لاہور۔16 جون(اے پی پی ) نگران وزیر اعلیٰ پنجاب ڈاکٹر حسن عسکری رضوی لاہور اچ عید الفطردے موقع تے چائلڈ پروٹیکشن بیورودا دورہ کیتے جتھاں انہاں بالاں نال کیک کٹیے اتے انہاں کوںتحفے ونڈیے۔ایں موقع تے ڈاکٹر حسن عسکری دا آکھنڑ ہا جو نگران حکومت اچ الیکشن کمیشن دی منظوری نال ہی تقرر اتے تبادلے کیتے ویندے پین، کوشش اے جو کہیں وی سیاسی جماعت کوں کوئی شکایت نہ ہووے۔ انہاں آکھیے جو نگران کابینہ اچ ہک ڈو وزرا رل سگدن، کل 43 محکمے ہین جیہڑے انہاں وزریراں کون ونڈیے ویندے پین، پہلے توں جاری منصوبیاں تے اویں ہی کم تھیندا پئے جڈاں جو انتخابات تے میڈیا دی آزادانہ کوریج کیتے انتظامات کریسوں۔ انہاں آکھیے جو نگران وزیر اعلیٰ بادشاہ نئیں ہوندا، ساڈا کم منصفانہ انتخابات سانگے الیکشن کمیشن دا ہتھ ونڈاونڑ اے۔
مضمون کا ماخذ : لاٹری آن لائن
