اسلام آباد ۔ 22 اکتوبر (اے پی پی) وزیراعظم دے معاون خصوصی امور نوجوانان عثمان ڈار آکھیے جو کامیاب جوان پروگرام دے ذریعے قرضے دے حصول کیتے ہنڑ تئیں 2 لکھ 59 ہزار 767 درخواستیاں موصول تھن ، کامیاب جوان پروگرام دی ڈیجیٹل پورٹل تے بھارت سمیت بئے ہیکراں حملے کیتن جیں کوں ناکام بنڑایا گے ۔اے گال انہاں منگل کوں اتھاں پریس کانفرنس نال خطاب کریندے ہوئیں آکھی اے ۔انہاں آکھیے جو وزیر اعظم عمران خان دی ہدایت دے مطابق کامیاب جوان پروگرام دے تحت شفاف طریقہ کار اتے میرٹ تے قرضے ڈیونڑ کیتے جدید ڈیجیٹل پلیٹ فارم تشکیل ڈتا گے ۔ نینگراں دی وڈی تعداد سوکھیاں شرطاں تے قرضے گھننڑ کیتے درخواستاں ڈے تے ایں پروگرام دا خیر مقدم کیتے ۔انہاں آکھیے جوکامیاب جوان پروگرام دے آغاز توں گھن تے 2 لکھ 59 ہزار 767 درخواستاں ملین جڈاں جو روزانہ 50 توں 80 ہزار دے درمیان درخواستیاں ملدیاں پن ۔انہاں آکھیے جو کامیاب جوان پروگرام دے پورٹل تے 16 لکھ سائبر حملے تھن انہاں اچوں ہک لکھ 78 ہزار سائبر حملے بھارت توں کیتے گن جیں کوں ناکام بنڑایا گے۔ این ٹی سی دی انتظامیہ ایں پورٹل کیتے محفوظ اتے فول پروف نظام وضع کیتے۔عثمان ڈار آکھیے جو نینگراں کوں 45پسماندہ ضلعیں اچوں 10ہزار توں ہک لکھ تئیں بلاسود قرضے ڈتے ویسن ۔ہک لکھ توں 5لکھ روپے تئیں دے قرضیں تے شرح سود 6فیصد ہوسی جڈاں جو 5توں 50لکھ تئیں 8فیصد ہوسی ۔انہاں آکھیے جوایکسٹرنل ایجنسی درخواست دہندہ توں متعلق معلومات حاصل کریسی جڈاں جو درخواست دا سکور کارڈ وی بنڑایا ویسی۔ نینگراں کوں کہیں سیاسی مداخلت دے بغیر میرٹ تے قرضے ڈتے ویسن ۔ بینکاں کوں قرضے ڈیونڑ دا عمل پورا کرنڑ کیتے 45 توں 50 ڈینھ دی ڈیڈلائن ڈتی گئی اے ۔ امید اے جو دسمبرتوں نینگراں اچ قرضے دیاں رقماں دی ونڈ شروع تھی ویسی ۔ سرکاری ملازمین سمیت 21 توں 45 سال تئیں دے سارے پاکستانی شہری قرضے دے حصول کیتے درخواست ڈے سگدن ۔ انہاں آکیے ایں پروگرام دے پہلے مرحلے اچ تریمتاں کیتے 25 ارب روپے رکھیے گن جڈاں جو ڈوجھے مرحلے اچ اقلیت تے معذور لوکاں کیتے وی کوٹہ رکھیا ویسی ۔قرضے دا پہلا مرحلہ پورا تھیونڑ دے بعد ڈوجھا مرحلہ شروع کیتا ویسی ۔ عثمان ڈار آکھیے جو کامیاب جوان پروگرام نینگراں کیتے گیم چینجر ثابت تھیسی ۔صنعتاں کوں ودھارا ملسی تے معیشت مستحکم تھیسی ۔
کامیاب جوان پروگرام دے ڈیجیٹل پورٹل تے 16 لکھ سائبر حملیں کوں ناکام بنڑایا گے ، عثمان ڈار
مضمون کا ماخذ : لاٹری کے سستے ٹکٹ
متعلقہ مضامین
