آزادانہ تے منصفانہ الیکشن وانگوں غیر جانبدار اتے آزاد میڈیا وی ملک سانگے ضروری ہے،، تنقید د ے نال نال مثبت رپورٹنگ وی ضروری ہے، وزیر اعظم شاہد خاقان عباسی دا اے پی این ایس ایوارڈزدی تقریب نال خطاب

اسلام آباد ۔ 30 مئی (اے پی پی) وزیر اعظم شاہد خاقان عباسی آکھیے جو جو آزادانہ اتے منصفانہ الیکشن وانگوں غیر جانبدار اتے آزاد میڈیا وی ملک سانگے ضروری ہے، پاکستان کوں 2013ءتوں چنگی حالت اچ چھوڑ تے ویندے پیوں، تنقید دے نا ل مثبت رپورٹنگ وی ضروری ہے، مسلم لیگ (ن) دی حکومت مسلیں دے باوجود ترقی دا سفر جاری رکھیا، خواہش ہے جو الیکشن آزادانہ اتے منصفانہ تھیون،حکومت پہلے ڈینھ توں آزادی صحافت دا فیصلہ کیتااتے سیکرٹ فنڈ دا کڈاہیں وی استعمال نی کیتا گیا، گزیل پنج سالاں دوران سیکرٹ فنڈ دا ہک روپیہ وی خرچ نی تھیا، اساڈا مقصد ایہ نی جو صرف حکومت دی تعریف کیتی ونجے بلکہ تنقید دے نال مثبت رپورٹنگ وی ضروری ہے، مثبت رپورٹنگ ملک دی ترقی سانگے بنیادی اہمیت رکھیندی ہے، غلط خبر چھپنڑ دے بعد ایندی تردید وی ہوونڑیں چاہیدی ہے اتے میڈیا ایں حوالے نال میکنزم تیار کرے جو کہیں قسم دی غلط خبر دی تردید وی چھپ سگے ، مسلم لیگ (ن) دی حکومت گزریل پنج سال دے دوران آزادی رائے دے اقدامات کیتے ہن اتے ہمیشہ ایہ کوشش رہی جو کہیں تے کوئی دباﺅ نہ ڈتا ونجے، مسلیں دے باوجود ترقی دا سفر جاری رکھیا اتے خواہش ہے جو آزاد اتے منصفانہ الیکشن تھیون۔ بدھ کوں آل پاکستان نیوز پیپرزسوسائٹی ( اے پی این ایس) دی ایوارڈز دی تقریب نال خطاب کریندے ہوئیںوزیراعظم شاہد خاقان عباسی آکھیا جو اے پی این ایس دے ایوارڈز دی تقریب تاریخی حیثیت رکھیندی ہے اتے ایندی بہوںاہمیت ہے۔ انہاں آکھیا جو اے پی این ایس دی تقریب توں خطاب میں سانگے وڈے فخر دی گال اے۔ وزیر اعظم آکھیا جو جڈاں اساڈی حکومت بنڑی تاں اساں پہلے ڈینھ توں فیصلہ کیتا ہا جوصحافت اتے رپورٹنگ اچ کہیں قسم دی مداخلت کائناں تھیسی اتے کہیںسیکرٹ فنڈدااستعمال کائناں کیتا ویسی جیندے تساں آپ گواہ ہیوے۔ انہاں آکھیا جو میڈیا چنگی طرح جانڑدے جواساں انہاں تے پورا لتھے وی کائنی ۔ وزیرا عظم آکھیا جوماضی ا چ سیکرٹ فنڈ دااستعمال تھیندا ہا اتے ایںحوالے نال آئی بی دے سیکرٹ فنڈ توں ارباں روپے استعمال تھیندے ہن۔ گزریل پنج سال دوران سیکرٹ فنڈ توں ہک روپیہ وی استعمال نی کیتا گیا ۔ا یہ فرق ہے ماضی دی حکومتاں اتے مسلم لیگ (ن) دی حکومت دا ۔ انہاں آکھیا جو بنیادی مقصد ایہ ہا جو اطلاعات تئیں رسائی دی ذمہ داری کوں چنگے طریقے نال پورا کیتا ونج جا سگدے ۔ ایندے اچ اساکوںکامیابی ملی یا نی تساں چنگی طرح جانڑدو۔ انہاں آکھیا جو اساں چاہندوں جو صحافیاں تے کوئی دباﺅ یالالچ نہ ہوئے اتے نہ ہی پریس دے معاملات اچ مداخلت کیتی ونجے ۔ انہاں آکھیا جو صحافی برادری اتے پرنٹ میڈیا اشتہاراں دی قیمت مکاونڑ دے حوالے نال حکومت دی مدد کرے کیونجو میڈیا دے حوالے نال اج اصلاحات دی جتنی ضرورت ہے ایں توں پہلے کڈاہیں نہ ہائی اتے اے پی این ایس ایں حوالے نال لیڈردا کردارادا کرے۔