اسلام آباد ۔ یکم جولائی (اے پی پی) بھارتی ناظم الامور گورو اہلو والہ کوں دفتر خارجہ سڈ تے 30 جون کوں قابض بھارتی افواج ولوں لائن آف کنٹرول (ایل او سی) دے کیانی تے جوڑا سیکٹرز اچ جنگ بندی دی بلااشتعال خلاف ورزیاں تے شدید احتجاج ریکارڈ کیتا گیا ۔ بھارتی فوج دی بلااشتعال فائرنگ دے نتیجے اچ 16 سالہ محمد توحید شہید جڈاں جو چار بیگناہ شہری شدید زخمی تھی گن ۔ بدھ کوں ترجمان دفتر خارجہ دے مطابق ڈائریکٹر جنرل (جنوبی ایشیاءو سارک) زاہد حفیظ چوہدری بھارتی ناظم الامورکوں دفتر خارجہ سڈ تے احتجاجی مراسلہ انہاں دے حوالے کیتا تے آکھیا جو قابض بھارتی فوج ایل او سی تے ورکنگ باﺅنڈری دی مسلسل خلاف ورزیاں کریندے ہوئیں آرٹلری، بھاری اتے خودکار ہتھیاروں دے ذریعے عام شہری آبادیاں کوں نشانہ بنڑیندی پئی اے ۔ بھارتی ناظم الامور کوں ڈسایا گیا جو شہری آبادیاں کوں دانستہ نشانہ بنڑاونڑ انتہائی قابل افسوس، انسانی عظمت و وقار، عالمی انسانی حقوق تے بین الاقوامی انسانی قوانین دے صریحاً منافی اے۔
بھارتی ناظم الامور گورو اہلو والہ دی دفتر خارجہ طلبی
مضمون کا ماخذ : اسٹریٹیجیا لاٹوفاسیل
متعلقہ مضامین
