اسلام آباد ۔ 27 اگست (اے پی پی) انٹرنیٹ تے نفرت انگیز اتے توہین آمیز مواد کوں روکنڑ دے حوالے نال وزارت مذہبی امور چتاونڑیں ڈتی اے جو انٹر نیٹ تے مقدس ہستیاں بارے ہر قسم دے نفرت انگیز، توہین آمیز یا مذہبی منافرت تے مبنی مواد دی اشاعت یا ترویج دی سخت ممانعت اے۔ وزارت آکھیے جو پاکستان دے سارے مسالک دے علما کرام بین المسالک ہم آہنگی اتے رواداری دے ودھارے کیتے کوشاں ہن ۔ اکابر علمائے کرام ہمیشہ ایجھے عناصر توں بے زاری اتے لاتعلقی داا ظہار کیتے جیرھا جو مسلکی اختلافات اتے تعصب کوں ہوا ڈے تے ملک اچ مذہبی منافرت دے ذریعے انتشار کھنڈاونڑ کیتے ناپاک عزائم رکھیندن ۔ علمائے کرام ایں گال تے متفق ہن جو تمام انبیاءکرام، امہات المومنین، صحابہ کرام، اہل بیت اطہار، تابعین و تبع تابعین، اولیائے کرام اتے اکابرین امت دے ادب و احترام کوں محلوظ خاطر رکھیا ویسی ۔ وزارت مذہبی امور عناصر دے خلاف ای میل [email protected] اتے فیس بک پیج www.facebook.com/mora.official تے اطلاع ڈتی ونج سگدی اے ۔
انٹرنیٹ تے مقدس ہستیاں بارے ہر قسم دے نفرت انگیز، توہین آمیز یا مذہبی منافرت تے مبنی مواد دی اشاعت یا ترویج دی سخت ممانعت اے، وزارت مذہبی امور دی چتاونڑیں
مضمون کا ماخذ : خوش قسمت لڑکی
متعلقہ مضامین
