کراچی ۔ 31 اگست (اے پی پی) کراچی اچ مینھ پاروں تھیونڑ آلی تباہی توں بے سروسامان خانداناں دی امداد کیتے پاک فضائیہ امدادی سرگرمیاں اچ مصروفِ عمل اے۔ جاری اعلامیہ موجب سربراہ پاک فضائیہ ائیر چیف مارشل مجاہد انور خان دی خصوصی ہدایت تے کراچی اچ واقع پاک فضائیہ دی ائیر بیسز مینھ توں متاثرہ علاقیں اچ ریلیف آپریشن شروع کرڈتے ،ایں سلسلے اچ پاک فضائیہ ولوں انہاں بیسز دے نیڑے علاقیں دے ضرورت مند خانداناں اچ کھاونڑ پیونڑ دیاں چیزاں تے امدادی سامان ونڈیا ویندا پئے ۔ڈتے گئے راشن اچ اٹا،چاول، دالاں ،گھیو تے کھنڈ شامل اے ۔پہلے مرحلے اچ پی اے ایف بیس مسروراتے پی اے ایف بیس فیصل دے نیڑے واقع مختلف پسماندہ تے پانڑیں آلے علاقیں اچ ہک ہزار توں ودھ ضرورت مند خانداناں اچ راشن ڈتا گئے ۔جیں اچ گریکس، مسرورکالونی، بدھنی گوٹھ، حاجی محمد گوٹھ، مشرف کالونی، بلال کالونی، شاہ فیصل کالونی، اتے الفلاح سوسائٹی دے علاقے شامل ہن۔
پا ک فضائیہ ولوں مینھ توں متاثرہ علاقیں اچ راشن ونڈیا گیا
مضمون کا ماخذ : لاٹری کے عمومی نمبر
متعلقہ مضامین
