اسلام آباد۔11فروری (اے پی پی):وزیر خارجہ مخدوم شاہ محمود قریشی آکھیے جو وزارتِ خارجہ معاشی سفارت کاری دے اہداف گھنݨ کیتے آپݨی کوششاں تے کم کرݨ کیتے پرعزم اے،ملکی معیشت اچ چنڳائی سانگے اساݙے سفیراں کوں آپ دا کردار ادا کرݨا ہوسی ۔ خمیس کوں وزیر خارجہ دی صدارت اچ وزارت خارجہ اچ یورپی ملکان اچ معاشی سفارت کاری دے حوالے نال پہلے ورچوئل سفیراں دے اجلاس دا انعقاد تھیا ۔اجلاس اچ سیکرٹری خارجہ سہیل محمود اتے وزارت خارجہ دے سینئر افسراں جݙاں جو آسٹریا،بیلجیئم، بیلاروس، بوسنیا ،بلغاریہ، چیک ریپبلک، ڈنمارک، جرمنی، یونان، ہنگری، آئیرلینڈ اتے پرتگال اچ تعینات پاکستانی سفیراں بذریعہ ویڈیو لنک شرکت کیتی۔ترجمان دفتر خارجہ موجب وزیر خارجہ مخدوم شاہ محمود قریشی اجلاس توں خطاب کریندے ہوئیں آکھیے جو معاشی سفارت کاری دی اہمیت ٻئی ودھ ڳئی اے اساکوں ایں حقیقت کوں سامݨے رکھݨا چاہیدے جو بہترین سفارت کاری دا تعلق تکڑی معیشت دے نال اے ۔ شاہ محمود قریشی آکھیا جو ایندے توں پہلے اساں افریقی ملکاں دے نال معاشی سفارت کاری شروع کیتی ۔
