اسلام آباد۔9مارچ (اے پی پی):وفاقی کابینہ سٹیٹ بینک ترمیمی بل 2020 دے مسودے، سارک ملکاں کیتے 30لکھ عطیہ ݙیوݨ ،پاک روس نارتھ سائوتھ معاہدے اچ ترمیم دے پروٹوکول اتے مختلف تقرریاں دی منظوری ݙے ݙتی اے جݙاں جو وفاقی وزیراطلاعا ت سینیٹر شبلی فراز آکھیے جو اساݙی حکومت سینٹ دے شفاف انتخابات کیتے سنجیدہ کوشش کیتی تاں جو الیکشن اوں ݙینھ غیر متنازعہ ہوسن جݙاں اوپن بیلٹ توں الیکشن تھیسن ۔ اساں تاریک قوتاں کوں ہراوݨ کیتے پورا زور لیسوں ،صادق سنجرانی چیئرمین سینٹ دا الیکشن جتسن ۔ او منگل کوں وزیراعظم عمران خان دی زیر صدارت وفاقی کابینہ اجلاس دے بعد میڈیا کوں بریفنگ ݙیندے پئے ہن۔ وفاقی وزیرا طلاعات سینیٹر شبلی فراز آکھیے جو وفاقی کابینہ میٹرو بس سروس منصوبے تے غور کیتے تے مختلف وجوہات دی بناءتے ایں منصوبے اچ تاخیر دا جائزہ ڳھدا ڳئے ۔انہاں آکھیے جو وفاقی کابینہ سٹیٹ بینک آف پاکستان ترمیمی مسودے دا مقصد سٹیٹ بینک کوں مزید بااختیار بݨاوݨ اے ،سٹیٹ بینک دا بنیادی کم افراط زر کوں کنٹرول کرݨ اے ، اساݙی حکومت سٹیٹ بینک کوں مزید اختیارات ݙتن جو او آزادانہ طریقے نال آپݨاں کم جاری رکھے ۔ انہاں آکھیے جو معاشی حقائق اتے صورتحال دے مطابق فیصلے تھیندن ‘ ماضی اچ سٹیٹ بینک اتنا آزاد کائناں ہئی ،حکومتاں ایندے تے اثر انداز تھیندیاں رہ ڳئن ۔ انہاں آکھیے جو سارک ریجنل پلیٹ فارم اے ‘ حکومت 30لکھ ڈالر عطیہ کرݨ دا وعدہ کیتا ہئی ۔ وفاقی وزیر فواد حسین چوہدری تجویز ݙتی جو اساں جیڑھے کوویڈ آلات بݨیندے پیوں انہاں کوں عطیہ اچ شامل کروں ۔ انہاں آکھیے ݙسائے جو براڈ شیٹ تے ہک کمیشن بݨیا ہویا اے ایندے سربراہ جسٹس عظمت سعید ہن ‘ انہاں کوئی وی مراعات اتے تنخواہ گھنݨ توں معذرت کیتی ‘کابینہ ایندی تعریف کیتی اے ۔
وفاقی کابینہ دی سٹیٹ بینک ترمیمی بل 2020 دے مسودے، سارک ملکاں کیتے 30لکھ عطیہ ݙیوݨ ،پاک روس نارتھ ساﺅتھ معاہدے اچ ترمیم دے پروٹوکول اتے مختلف تقرریاں دی منظوری
مضمون کا ماخذ : لاٹری کے اعداد و شمار
متعلقہ مضامین
