اسلام آباد۔16مئی(اے پی پی)وزیراعظم عمران خان عالمی بینک ولوں احساس ایمرجنسی کیش پروگرام کوں 4 وݙے عالمی سماجی تحفظ پروگراماں اچ رلاوݨ تے معاون خصوصی ڈاکٹر ثانیہ نشتر اتے احساس ٹیم کوں مبارکباد ݙیندے آکھیے جو او ایں عالمی پذیرائی دے بالکل حقدار ہین۔ ہک ٹویٹ اچ انہاں عالمی بینک دی احساس ایمرجنسی کیش پروگرام بارے رپورٹ وی شئیر کیتی جیکوں ” لیونگ پیپر ” آکھیا ویندے۔ عالمی بنک نویں مستحقین دی سنڄاݨ، اندراج دے طریقہ کار، ٹبراں کوں سماجی رجسٹری اچ رلاوݨ کیتے ہائبرڈ طریقہ کار اتے 8171 ایس ایم ایس شارٹ کوڈ سروس اتے ویب پورٹل دے اجرا کوں اہم قرار ݙتے۔ بنک ایں نظام کوں مکمل خودکار، قانون تے مبنی، شفاف اتے سیاسی طور تے غیرجانبدار قرار ݙتے جیندے تحت ملک دی ادھی آبادی یعنی سو ملین لوکاں کوں سماجی امداد ݙتی ڳئی اے۔ رپورٹ پاکستان دے ایں پروگرام کوں مثال قرار ݙیندے آکھیے جو فون، انٹرنیٹ، قومی شناختی کارڈ، تجارتی ادائیگیاں دے نظام کوں رلا تے ہک جدید اتے ڈیجیٹل نظام بݨایا ونڄ سڳدے جو بحراناں دےد ور اچ مستحقین دا ہتھ ونڈایا ونڄ سڳے۔
وزیراعظم عمران خان دی عالمی بینک ولوں احساس ایمرجنسی کیش پروگرام کوں 4 وݙے عالمی سماجی تحفظ پروگراماں اچ رلاوݨ تے ڈاکٹر ثانیہ نشتر کوں مبارکباد
مضمون کا ماخذ : raspadinha caixa
متعلقہ مضامین
