اسلام آباد۔16مئی(اے پی پی)وزیر خارجہ مخدوم شاہ محمود قریشی اقوام متحدہ اتے او آئی سی دی قرارداداں دے مطابق مسئلہ فلسطین دے ݙو ریاستی حل دی حمایت دا عزم دوہریندے واضح کیتے جو مسئلہ فلسطین حل کیتے بغیر انسانی وقار دی کوئی وی ڳالھ ادھوری، علاقائی امن اتے عالمی سلامتی کیتے خطریاں وات رہسی، امت مسلمہ کوں فلسطینی ٻھیݨین بھراواں نال یک جہتی کیتے اڳو تے ودھݨا ہوسی،عالمی برادری فلسطینیاں دے خلاف طاقت دے غیرقانونی استعمال اتے انسانی حقوق دی خلاف ورزیاں فوری رکواوے، فلسطینیاں دے تحفظ اتے غزہ اچ شہری آبادی دے خلاف اسرائیلی مظالم رکواوݨ کتیے عملی کم کرݨ دی لوڑ اے۔ اے ڳالھ انہاں فلسطین دے خلاف اسرائیلی جارحیت بارے تھیوݨ آلے او آئی سی دی ایگزیکٹو کمیٹی دے ہنگامی اجلاس نال ویݙیو خطابا چ آکھی۔ انہاں آکھیا جو پاکستان ہمیشہ توں ہی فلسطین دا حامی اے، پاکستان اپݨے دفاع توں محروم فلسطینیاں دے خلاف اسرائیلی قابض فوج دی طاقت دے غیرقانونی، بلاامتیاز اتے وحشیانہ استعمال، جبر، مطلق العنانی اتے ناانصافی تے مذمت کریندے، اسرائیلی فوج دی کارروائیاں، نوآبادیاتی پالیسیاں، جارحیت، محاصرے اتے اجتماعی آبادی کوں سزا ݙیوݨ دیاں حرکتاں پاروں مقبوضہ فلسطین دی وڳڑدی صورت حال ناقابل برداشت اے، اسرائیلی جارحیت دا کوئی جواز کائنی، اساں ایں موقع تے فلسطین دے عوام اتے حکومت دے نال ہیں، پاکستان غزہ تے اسرائیلی بمباری دی مذمت کریندے، بے ڳناہ فلسطینیاں دی شہادت اتے مسجد اقصیٰ دا تقدس پامال کرݨ، فلسطینیاں دی جبری بیدخلی کوں برداشت نئیں کیتا ونڄ سڳدا، ساکوں فلسطینی عوام اتے انہآں دی املاک دے خلاف جاری جارحیت رکواوݨ کیتے سارے ضروری اقدامات کرݨے ہوسن۔ انہاں آکھیے جو ایندے تے عالمی برادری فوری مداخلت کرے، اقوام متحدہ دی سلامتی کونسل، اقوام متحدہ دی جنرل اسمبلی اتے انسانی حقوق کونسل دی منظور کردہ قرارداداں تے فوری عمل تھیوݨا چاہیدے، انسانیت دے خلاف جرائم تے اسرائیل کوں وتھی نئیں ݙیوݨی چاہیدی۔
امت مسلمہ کوں فلسطینی ٻھیݨین بھراواں نال یک جہتی کیتے اڳو تے ودھݨا ہوسی، وزیر خارجہ مخدوم شاہ محمود قریشی
مضمون کا ماخذ : raspadinha resultados
متعلقہ مضامین
