اسلام آباد۔31مئی(اے پی پی)وزیر مملکت اطلاعات و نشریات فرخ حبیب آکھیے جو وزیراعظم عمران خان دریاواں اچ پاݨی دے بہائو اتے ونݙ دی مانیٹرنگ دا ٹیلی میٹری نظام لاوݨ دی ہدایت کیتی اے،آندے 10سالاں اچ 10 وݙے ڈیمزبݨݨ نال اتنا پاݨی ذخیرہ تھیسی اتے بجلی بݨسی جیڑھی 70 سالاں اچ تھئی اے، اے آبی ذخیرے مکمل تھیوم نال ہک کروڑ 30لکھ ایکٹر فٹ پاݨی ذخیرہ تھیسی، چارسدہ ، نوشہرہ اتے ٻئے علاقیاں کوں سیلبا دا خطرہ مکسی، وزیراعظم اداریاں کوں اپݨے پیریں تے کھڑا کرݨ دا وعدہ نبھیندے پین۔ اے ڳالھ انہاں اسلام آباد اچ سندھ اسمبلی دے اپوزیشن لیڈر حلیم عادل شیخ اتے پنجاب دے وزیر آبپاشی محسن لغاری دے کٹھے پریس کانفرنس اچ آکھی۔ انہاں آکھیا جو پاکستان ڈیم فنڈ، سپریم کورٹ بݨائے جیندے نال فنڈز ڈیمز دی تعمیر تے ہی لڳسن۔ انہاں آکھیا جو صحافیاں نال برا سلوک قابل مذمت اے، پی ٹی آئی حکومت صحافیاں دے تحفظ کیتے قانون ڳھن تے آئی اے، کہیں کوں اے حق کائنی جو آزادی اظہار رائے دے نان تے جو منہ اچ آوے او کڈھے۔ سندھ اچ اپوزیشن لیڈر حلیم عادل شیخ آکھیے جو پاݨی دی ونݙ کوں تکنیکی دی بجائے سیاسی معاملہ بݨا ݙتا ڳئے، پاݨی چوری اتے کرپشن سندھ اچ پاݨی دی کمی دی اصل وجہ اے، وزیراعظم یقین ݙیوائے جو اساں سندھ دے عوام دی جنگ لڑسوں، کہیں نال کؤعی ناانصافی نہ تھیسی۔ حلیم عادل شیخ آکھیا جو پیپلزپارٹی سندھ اچ تحریک انصاف کونو دھدا ݙیکھ تے الزامات اتے نفرت دی سیاست شروع کرݙتی اے۔ پنجاب دے وزیر آبپاشی محسن لغاری آکھیے جو پنجاب اپݨے استعمال دا پاݨی ڳھٹ کر تے تونسہ بیرج توں مظفر گڑھ کوں ݙتے، ڳالھ حقائق تے کیتی ونڄے، ایں سیزن پنجاب کوں 22 فیصد، سندھ کوں 17 فیصد پاݨی دی کمی تھئی اے، سندھ تئیں پاݨی پڄدے 39 ملین لاسسز تھی ویندن، ایں سانڳے کھیر پاݨی انڄھ کرݨ کیتے غیر جانبدار مانیٹر لائے ویسن۔
وزیراعظم عمران خان دریاواں اچ پاݨی دے بہائو اتے ونݙ دی مانیٹرنگ دا ٹیلی میٹری نظام لاوݨ دی ہدایت کیتی اے، وزیر مملکت اطلاعات و نشریات فرخ حبیب دی پریس کانفرنس
مضمون کا ماخذ : لاٹری کے لائیو نتائج
متعلقہ مضامین
