اسلام آباد۔4جون(اے پی پی)چیئرمین سینیٹ صادق سنجرانی نال آذربائیجان دی سپیکر صاحبہ گفاروا دی ملاقات کیتی۔ انہاں ݙو طرفہ تعلقات، پارلیمانی و ادارہ جاتی تعاون ودھاوݨ، کثیر الجہتی ڳانڈھے، تجارت، توانائی اتے ٻئے روابط تکڑے کرݨ تے زور ݙتے۔ چیئرمین سینیٹ اقتصادی تعاون تنظیم دی پارلیمانی اسمبلی دی جنرل کانفرنس اچ شرکت تے شکریہ ادا کیتے اتے آکھیے جو وفود دے تبادلے اچ تیزی، تجارتی روابط اتے عوامی سطح تے رابطہ کاری ݙوہاں ملکاں کوں ٻیا نیڑے ڳھن آسی، پارلیمانی دوستی گروپ ٻیا فعال کرݨ دی لوڑھ اے، کرونا دی وبا تے ہک ٻئے دے تجربیاں توں فیدہ چیسوں۔ ملاقات اچ سینیٹ اچ قائد ایوان سینٹر ڈاکٹر شہزاد وسیم، سینیٹر فدا محمد، سینیٹر دلاور خان، سینیٹر نزہت صادق، سینیٹر رخسانہ زبیری، رکن قومی اسمبلی شاندانہ گلزار خان، سیکرٹری سینیٹ محمد قاسم صمد خان وی موجود ہن۔
مضمون کا ماخذ : کمپیوٹر لاٹری کی پیشن گوئی
