اسلام آباد ۔ 18 مارچ (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو (ن) لیگ کورونا وائرس دی وباءدے حساس مسئلے تے وی سیاسی دوکان لاونڑ توں باز نہ آئی ، وزیر اعظم عمران خان ولوں عوام دے تحفظ ،مفاد تے سلامتی کیتے چاتے وختی اقدامات دی گواہی دنیا ڈیندی پئی اے۔عالمی ادارہ صحت دا بیان ایندا منہ بولیندا ثبوت اے ، عوام دا درد اتے احساس تھیندے تاں آزمائش دے ویلھے ( ن) لیگ دی قیادت اپنڑے ہم وطناں دے رلے کھڑی تھیندی۔ بدھ کوں معاون خصوصی ڈاکٹر فردوس عاشق اعوان اپنڑے ٹویٹ اچ آکھیے جو فارن فنڈنگ دا شور مچاونڑ دی بجائے فارن اکاونٹ رکھنڑ آلی فارن اچ بیٹھی اپنڑی قیادت کوں پاکستان آونڑ دی اپیل کرن ، (ن) لیگ ہمیشہ باہرلے ملک رہنڑ آلے محب وطن پاکستانیاں تے وار کیتا جیرھے پاکستان اپنڑاں پیسہ پٹھیندن ، اوورسیز پاکستانیاں دا عمران خان دی قیادت تے اعتماد اے ۔انہاں آکھیے جو کاش احسن اقبال انہاں سیاسی رہنماواں دے خلاف آواز چیندے جنہاں پاکستان دے عوام دیاں جیباں کٹیاں تے لندن بھج گن ، منی لانڈرنگ کیتی تے پاکستان توں پیسہ باہر بھجوائے۔ انہاں آکھیے جو اتحاد تے یکجہتی وقت دا تقاضا اے ، سیاسی پوائنٹ سکورنگ دی بجائے اپوزیشن کورونا دے بین الاقوامی چیلنجز نال نبڑنڑ کیتے قومی کاوشاں کوں تقویت ڈیوے ، اے قومی مسئلہ اے،ہک تھی تے ایں وائرس کوں ہراونڑاں اے ۔
وزیر اعظم عمران خان ولوں عوام دے تحفظ کیتے چاتے ویلھے سر اقدامات دی گواہی دنیا ڈیندی پئی اے، ن لیگ کورونا وائرس دی وباءدے حساس مسئلے تے وی سیاسی دکان لاونڑ توں باز نہ آئی ، ڈاکٹر فردوس عاشق اعوان دا ٹویٹ
مضمون کا ماخذ : raspadinha resultados
متعلقہ مضامین
