لاہور۔5 ستمبر (اے پی پی )ایم ایل ون دا انٹرنیشنل ٹینڈر 12 ستمبر کوں جاری کریندے پیوں اتے ایندی پبلسٹی وی ہیں ڈینھ توں شروع کریسوں ، کے سی آر تے اساکوں 10 بلین فنڈ ملئن، اساں کے سی آر دا11کلومیٹر دا ٹریک مکمل کرگھدے ۔اے گال وفاقی وزیر ریلوے شیخ رشید احمد ریلوے ہیڈکوارٹرز آفس لاہور اچ صحافیاں نال گال مہاڑ کریندے ہوئیں آکھی اے انہاں آکھیے جو فیز ون اچ اساں کے سی آر دا سنگل ٹریک مکمل کریسوں تے سیکنڈ فیز اچ اینکوں ڈبل کریسوںجڈاں جو 30 دسمبر تئیں اساں کے سی آر دے سنگل ٹریک کوں مکمل کریسوں ۔ وفاقی وزیر ریلوے مزید آکھیا جو سپریم کورٹ آف پاکستان دے چیف جسٹس محمد گلزار ریلوے دے حوالے نال جیرھے احکامات جاری کیتن اساڈی پوری کوشش ہوسی جو ایندے تے پورا لہوں ، وزیر اعظم عمران خان اجوکے مہینے حسن ابدال ریلوے سٹیشن دا افتتاح کریسن۔
مضمون کا ماخذ : jogos de loteria Nordeste
