اسلام آباد 20 جون (اے پي پي) د داخله چارو وفاقي وزير رانا ثناء الله خان وئيلي دي چې د كال 2013 نه تر كال 2018 مو د نواز شريف په مشرۍ كښې هېواد د ترهګرۍ لعنت او لوډشېډنګ څخه خلاص كړے ٶ، په پرمختيائي منصوبو د مسلم ليګ نون حكومت او مشرتابه پېژندلې شي ، كه د پاکستان مسلم ليګ نون د نواز شريف او شهباز شريف دورونه لرې كړې شي نو په هېواد كښې به يو پرمختيائي كار په نظر رانه شي۔ د نهې په ورځ د مارګله اېوينو پرانستې دستورې ته خپله وېنا كښې رانا ثناء الله خان ووئيل وزيراعظم د اهميت وړ د دوه منصوبو پرانسته كړې ده، مارګله ايونيو به نوې آباد شوې سېكټرز جي ټي روډ سره تړي چې ورسره به نه يوازې د ټرافېك لوډ كم شي بلكې اولس لپاره به د سفر آسانۍ هم رامخې ته شي٬ نن وزيراعظم د 20 اربه روپو د لګښت د پرمختيائي كارونو هم پرانسته كړې ده۔ ده ووئيل اقتدار ترلاسه كولو سره حكومت هېواد د مسئلو نه رابهر كولو لپاره شپه او ورځ يو كړې٬ په وړومبۍ مياشت كښې د اسلام آباد ائير پورټ مېټرو بس سروس پرانسته وكړې شوه او د دې نه پس د پرمختګ دا سفر لا ګړندې شوې ۔ ده ووېيل وزيراعظم شهباز شريف په سياست كښې خدمت ته وده وركړې٬ په ده تنقيد هم شوې خو ده خپله لاره نه ده بدله كړې٬ د خدمت سياست د هېواد او قام د نجات سبب جوړېدې شي۔ ده ووئيل په كال1997 كښې چې اولس په دريو كښې دوه اكثريت راكړو نو د پرمختګ سفر هم دې رفتار سره جاري ٶ، د اكتوبر د 12مې نيټې پېښه كه نه وه شوې نو پاكستان به د پرمختيائي هېوادونو په صف كښې شامل شوې ٶ٬ كه داسې شوې وې نو خلق به په غېر قانوني توګه بهر هېوادونو ته نه تلل او په سمندر كښې به نه چپه كېدل۔ ده ووئيل په څلورو كالو كښې د ترهګرۍ په ضد جنګ كښې كه يو خوا امنيتي ځواكونو كار كړې نو بلخوا د پنجاب سي ټي ډي ترهګري د پنجاب نه بهر كړې ھغه وخت هم د ډلې مشر شهباز شريف ٶ
د نواز شريف په مشرۍ كښې هېواد له ترهګرۍ او لوډشېډنګ خلاصې موندلې ٬ داخله وزير رانا ثناء الله
مضمون کا ماخذ : میگا ملینز کا جیک پاٹ
متعلقہ مضامین
