اسلام آباد ۔ 31 اگست (اے پی پی)ملک دے بہوں سارے علاقیں اچ آندے ڈو ڈینھ اکثر جہیں تے ودھ سارے مینھ وسنڑ پاروں شہری علاقیں اچ اربن فلڈنگ تے دریاواں اچ سیلاب دا خطرہ اے جڈاں جو پہاڑی علاقیں اچ لینڈ سلائیڈنگ دا ڈر وی ظاہر کیتا گئے ۔، ممکنہ ہنگامی صورتحال پاروں سارے متعلقہ اداریں کیتے الرٹ جاری کرڈتا گئے ۔محکمہ موسمیات موجب ملک دے اتلے علاقیں اچ تکھا مینھ وسنڑ دا سلسلہ داخل تھیندا پئے جیں پاروں منگل تئیں پنجاب، خیبر پختونخوا، گلگت بلتستان اتے آزاد کشمیر اچ بہوں ساریاں جہیں تے ودھ سارا مینھ وسنڑ دا امکان اے۔ کل (بدھ تئیں) راولپنڈی ، اٹک ، چکوال ، جہلم ، منڈی بہاوالدین ، حافظ آباد ، گوجرانوالہ ، سیالکوٹ ، نارووال ، لاہور ، قصور ، اوکاڑہ ، فیصل آباد ، جھنگ ، سرگودھا ، میانوالی ، خوشاب ، ٹوبہ ٹیک سنگھ اچ تکھی ہوا گلھنڑ تے کھمنڑ دے نال ودھ سارا مینھ وسنڑ دا امکان اے ۔ راجن پور ، ڈیرہ غازیخان ، ملتان ، بہاولپور ، خانیوال ، ژوب اتے بارکھان اچ وی موسلادھار مینھ وسنڑ دا امکان اے۔ آندے ڈو ڈینھ تئیں دیر ، سوات ، بونیر ، شانگلہ ، کوہستان ، ہری پور ، مانسہرہ ، ایبٹ آباد ، پشاور ، چارسدہ ، صوابی ، مردان ، کوہاٹ اتے کرم اچ تکھی ہوا گھلنڑ دے نال ودھ سارا مینھ وسنڑ دی توقع اے ،مینھ پاروں شہری علاقیں اچ اربن فلڈنگ اتے ندی نا لیں اچ طغیانی دا ڈر ظاہر کیتا گئے۔ پہاڑی علاقیں اچ لینڈ سلائیڈنگ دا وی خطرہ اے جڈاں جو دریاواں تے ندی نالیں اچ پانڑیں ودھ سگدے ۔ محکمہ موسمیات دے ترجمان موجب ممکنہ ہنگامی صورتحال پاروں سارے متعلقہ اداریں خاص طور تے ریزروئیر آپریٹرز / واٹر منیجرز کیتے الرٹ رہنڑ دی ہدایات جاری کیتیاں گن۔
آندے ڈو ڈینھ اکثر جہیں تے ودھ سارے مینھ پاروں شہری علاقیں اچ اربن فلڈنگ اتے دریاواں اچ سیلاب دا خطرہ اے، متعلقہ اداریں کیتے الرٹ جاری، ترجمان محکمہ موسمیات
مضمون کا ماخذ : لاٹری کی موبائل ایپ
متعلقہ مضامین
