پیرس ۔ 16 ستمبر (اے پی پی) فرانس دے وزیر خزانہ مائیکل سیپن پاکستان ولوں گزریل ترائے سالیں اچ شاندار معاشی کامیابیاں دی تع??یف کریندے ہوئیں آکھے جو انہاں دا ملک پاکستان نال تجارتی اتے معاشی گانڈھے کوں مستحکم بنڑاونڑ اتے سرمایہ کاری دے سازگار ماحول توںفیدہ چاونڑاں چاہندے ۔ اے گالہیں انہاں وزیر خزانہ سینیٹر محمد اسحاق ڈار نال پیرس اچ ہک ملاقات اچ آکھیاں ۔ انہاںا کھیا جو پاکستان گزریل ترائے سالیں اچ شاندار معاشی کامیابیاں حاصل کیتن جنہاں اچ میکرو اقتصادی استحکام، مالیاتی ڈسپلن، مربوط شرح نمو اتے سٹاک مارک??ٹ دی ریکارڈ کارکردگی شامل ہے۔ پاکستان موجودہ اصلاحات دے تسلسل نال آونڑآلے سالیں اچ ودھ شرح نمو برقرار رکھ سگدے ۔ دہشتگردی دے خلاف جنگ اچ کامیابیاں وی قابل تع??یف ہن ۔ فرانسیسی وزیر خزانہ پاکستان دی معاشی ترقی تے وزیر خزانہ سینیٹر اسحاق ڈار کوں مبارخ وی ڈتی ۔ ایں موقعے تے وفاقی وزیر خزانہ سینیٹر اسحاق ڈار فرانسیسی وزیر خزانہ کو ںم??اشی استحکام کیتے موجودہ حکومت ولوں کیتیاں گیاں ودھ ساریاں جرأتمندانہ ڈھانچہ جاتی معاشی اتے مالیاتی اصلاحات بارے ڈسایا اتے ڈسایا جو دنیا دے مشہور مالیاتی اداریاں اتے اقتصادی ماہراں پاکستان اچ معاشی استحکام دی تع??یف کیتی ہے، جیہڑے جو پاکستان کوں آونڑآلے دھاکیاں اچ دنیا دے بہترین 20 معاشی طورتے مستحکم ملکاں اچ شمارکریندے پئے ہن ۔ انہاں آکھیا جو پاکستان اتے فرانس کوں آپنڑیں عوام دے ڈوطرفہ فیدے سانگے معاشی اتے تجارتی تعلقات اچ ودھارا کرنڑاں چاہیدے ۔ ڈوہائیں وزیراں موجودہ ڈوطرفہ تجارت اچ نمایاں اضافے اتے تاجراں دیا?? سہولتاں کیتے اقدامات اُتے اتفاق کیتا۔ انہاں سانجھے اقتصادی کمیشن دی شکل اچ انتظامی، معاشی اتے تجارتی کمیٹی کوں وزارتی سطح تے درجہ ودھاونڑدا وی جائزہ گھدا، اتے معیشت، زراعت، فوڈ پراسیسنگ، ایوی ایشن، انفارمیشن ٹیکنالوجی، آٹو موبائلز اتے انجینئرنگ سمیت مختلف شعبیاں اچ تع??ون کوں ودھاونڑ دے طریقیاں تے وی گالھ مہاڑ کیتی ۔
پیرس اچ وزیر خزانہ سینیٹر محمد اسحاق ڈار نال ملاقات اچ فرانسیسی وزیر خزانہ مائیکل سیپن دا اظہار خیال
مضمون کا ماخذ : سامرائی کی خوش قسمتی۔
متعلقہ مضامین
