اسلام آباد ۔ 09 دسمبر (اے پی پی) دفتر خارجہ دے ترجمان آکھے جو بھارت اقوام متحدہ دے فوجی مبصر گروپ کوں کنٹرول لائن اتے ورکنگ باونڈری تے صورتحال دی نگرانی دی اجازت نی ڈتی، بھارت ہٹ دھرمی دامظاہرہ کریندا پئے اتے کنٹرول لائن تے ورکنگ باونڈری تے جنگ بندی دیاںخلاف ورزیاں دے مسئلے تے وی تعاون کائنی کریندا پئے۔ہفتہ کو ں جاری ہک بیان اچ ترجمان دفترخارجہ ڈاکٹرمحمد فیصل آکھیا جوفائربندی معاہدے دی خلاف ورزی دے خلاف پاکستانی خط دے جواب اچ بھارت ول ہٹ دھرمی دا مظاہرے کریندے ہوئیںآکھے جو دراندازی دی صورت اچ فائرنگ کیتی ویندی ہے۔ترجمان مطابق لائن آف کنٹرول تے بلااشتعال فائرنگ اتے سیز فائر معاہدے دی خلاف ورزی تے وزیرخارجہ خواجہ آصف ولوں بھارت کوں احتجاجی خط لکھیا گیا ہا ،جیندے اچ بھارت کوں فائر بندی معاہدے دی خلاف وزری روکنڑ بارے آکھیا گئے ،تاں جو بھارت ولوں ہک وار ول ہٹ دھرمی دا مظاہرہ کیتا گئے اتے جواب اچ بھارتی وزیرخارجہ سشما سوراج آکھے جو بھارت ولوں فائرنگ صرف دراندازی دی صورت اچ کیتی ویندی ہے۔ترجمان دفترخارجہ دا آکھنڑ ہا جوبھارت دیاں سرحدی خلاف ورزیاں پچھلے15سال اچ ساریاں توں ودھ ہن ۔انہاں ڈسایا جوجاری سال اچ بھارت ولوں1300 دفعہ فائر بندی معاہدے دی خلاف ورزی کیتی گئی، پاکستان ولوں خط لکھنڑ دا مقصد قیمتی جاناں دا ضیا ع اتے فائربندی معاہدے دی خلاف ورزی روکنڑ ہا ۔
ترجمان دفتر خارجہ دا بیان
مضمون کا ماخذ : aplicativos de apostas loteria
متعلقہ مضامین
