اسلام آباد ۔ 9 جنوری (اے پی پی) وزیراعظم شاہد خاقان عباسی پاکستان اتے چین وچال عوامی سطح تے رابطے تجارت تعلیم ،ثقافت تے معیشت سودھے مختلف شعبیاں اچ گانڈھے کوں بیا ودھاونڑ تے زور ڈتے ۔انہاں اے گالھ پاکستان اچ تعینات تھیونڑ آلے چین دے نویں سفیر زیاﺅ جانگ نال گالھ مہاڑ کریندے ہوئیں آکھی ہے جنہاں منگل کوں وزیراعظم نال ملاقات کیتی ۔وزیراعظم چینی سفیر کوں پاکستان اچ تقرری تے مبارخ ڈیندے ہوئیں آکھیے جو ڈوہیں ملکاں وچال تزویراتی تعاون تے ڈو پاسے گانڈھا بیا پکا کیتا ویسی اتے اساڈی سنگت ٹردے ویلھے نال بیا گھاٹی تھیسی ۔وزیراعظم امید کیتی جو چینی سفیر سی پیک منصوبے کوں تکھا کرنڑ تے ایندے تے عمل در آمد کیتے موثر کردار ادا کریسن ۔ایں موقع تے چینی سفیر زبردست خیر مقدم کرنڑ تے وزیراعظم تے حکومت دا شکریہ ادا کریندے ہوئیں اپنڑے بھر پور تعاون دا یقین ڈوایا ۔
مضمون کا ماخذ : آن لائن لاٹری ٹکٹ
