اسلام آباد ۔ 16 فروری (اے پی پی) پاک بحریہ دے اسپیشل سروسز گروپ اتے رائل سعودی نیول فورسز دی اسپیشل آپریشن فورسزدی پندرھاں ڈیہاڑی ڈوطرفہ بحری مشق ” افعیٰ الساحل“چہارم کامیابی نال مک گئی اے۔اے مشق پاک بحریہ اتے رائل سعودی نیول فورسز دی اسپیشل آپریشن فورسزدکی کٹھی مشق اے جیہڑی سال 2011ءتوں ہر سال تھیندی اے۔مشق” افعیٰ الساحل “ دا مقصد ڈوہاں بحری افواج وچال مشترکہ آپریشنز اتے دفاعی صلاحیتوں کوں ودھاونڑ ، انسانی اسمگلنگ، بحری قذاقی اتے دہشت گردی جھیں مختلف النوع میری ٹائم خطرات نال نمٹنڑ اے۔مشق نال ڈوہاں ملکاں کو روایتی خطریاں دے خلاف صلاحیتاں کوں چنگاں کرنڑ اچ مدد ملسی۔اے مشق ڈوہاں ملکاں وچال بحری گانڈھے دی وڈی علامت اے جیہڑی ڈو مرحلیاں تے مشتمل ہئی۔مشق دے پہلے مرحلے اچ زمینی اتے ہاربر سرگرمیاں کیتاں گن،جیندے اچ چھوٹے ہتھیاراں نال فائرنگ، اسنائپر فائرنگ، کلوز کوارٹر کمبیٹ، دشمن دے اہداف تے حملیاں دی مشق دے نال نال رات کوں کیتے ونجنڑ آلے خصوصی آپریشنز اتے دفاعی حکمت عملی دی ریہرسل کیتی گئی۔پہلے مرحلے دی مشقل نال ڈوہاں بحری افواج کوں کھلے سمندر اچ آپریشنز کیتے درکا ر صلاحیت چنگی کرنڑ اچ مدد ملی۔ڈوجھے مرحلے اچ بحری سپیشل آپریشنز دی قبل از مشق ریہرسل کیتی گئی، جیندے اچ کھلے سمندراچ سمندری دہشت گردی، بحری قذاقی اتےانسانی اسمگلنگ روکنڑ کیتے اسپیشل میری ٹائم آپریشنز کیتے گن۔اے مرحلہ فائنل ٹیسٹ ایکسر سائز (FTX)نال مُکیے۔ رائل سعودی نیول فورسز دے اسپیشل آپریشن فورس کمانڈر ، کموڈور حمدان صالح الشہری وی ایں موقعے تے موجود ہن۔انہاں مشق اچ ڈوہاں فوجاں دی پیشہ ورانہ کارکردگی اتے صلاحیت دی تعریف کریندے ہوئیں آکھیے جو مشق نال روایتی اتے غیر روایتی خطریاں دے خلاف آپریشنز سانگے ہم آہنگی کوں ودھارا ملسی۔
سعودی پاک ڈو طرفہ اسپیشل آپریشن فورسز بحری مشق ”افعیٰ الساحل “چہارم کامیابی نال توڑ پج گئی
مضمون کا ماخذ : اسکریچ کارڈز کی جیت
متعلقہ مضامین
