اسلام آباد ۔ 22 جنوری (اے پی پی) وزیر خارجہ مخدوم شاہ محمود قریشی وزیراعظم عمران خان دے دورہ ڈیووس دے حوالے نال اہم بیان اچ آکھیے جو ٹرمپ یقین ڈیوائے جو او وختی پاکستان دا دورہ کریسن ، صدرٹرمپ نال ملاقات مفید رہی جیں اچ وزیر اعظم عمران خان کشمیر اتے افغانستان دی صورتحال سمیت اہم ایشوز چاتن ۔وزیر خارجہ آکھیے جو ہک گھنٹہ جاری رہنڑ آلی ایں ملاقات اچ اتھاں موجود ہن ۔بدھ کوں ہک بیان اچ انہاں آکھیے جو پاکستان ایف اے ٹی ایف دا ایشو چاتے ۔ وزیراعظم عمران خان صدر ٹرمپ نال ایف اے ٹی ایف تے سپورٹ دا آکھیے۔ وزیراعظم عمران خان پاکستان ولوں ایف اے ٹی ایف دے حوالے نال کیتے گے اقدامات دے حوالے نال ڈسائے ۔ وزیراعظم صدرٹرمپ کوں ٹریول ایڈوائزی اچ بہتری دا آکھیا۔ وزیراعظم عمران خان تجارت دے حوالے نال وی گال کیتی ۔ ملاقات اچ فیصلہ تھیا جو امریکہ دا ہک تجارتی وفد پاکستان آسی ۔ وزیراعظم کشمیردی صورتحال دا خاکہ صدرٹرمپ دے سامنڑے رکھیا ۔ صدرٹرمپ آکھیے جو کشمیر دی صورتحال تے تشویش اے۔انہاں آکھیے جو صدر ٹرمپ یقین ڈیوائے جو او کشمیر دے مسئلے تے گال کریسن ،ٹرمپ آکھیے جو کشمیر دا مسئلہ حل تھیونڑاں چاہیدے ۔صدر ٹرمپ آکھیے جو میں عمران خان کوں پسند کرینداں تے انہاں تے اعتماد کرینداں ۔صدر ٹرمپ کوں ایران دے معاملے تے تشویش بارے ڈسئے ۔ ایران دے مسئلے نال جیرھے مضر اثرات پاکستان تے پن صدر ٹرمپ نال ایندے تے وی گال تھئی اے صدرٹرمپ نال بہوں چنگے ماحول اچ ملاقات تھئی اے ۔ صدرٹرمپ دی پوری ٹیم موجود ہئی ۔
وزیراعظم عمران خان امریکی صدر ڈونلڈ ٹرمپ نال ملاقات اچ کشمیر اتے افغانستان دی صورتحال سمیت اہم ایشوز چاتن ، وزیر خارجہ مخدوم شاہ محمود قریشی
مضمون کا ماخذ : آن لائن اسکریچ کارڈز
متعلقہ مضامین
