اسلام آباد۔ 12 اپریل (اے پی پی) صدر مملکت ڈاکٹر عارف علوی علماءکرام اتے عوام دے تعاون دی تعریف کریندے آکھیے جو لاک ڈاون دے مثبت اثرات آندے پین، اللہ دا شکر اے جو کرونا وائرس دے مریضاں دی تعدادودھنڑ دے جیڑھے اندازے لائے ویندے پئے ہن اوندے توں گھٹ مریضاں دی شرح اے،ماہ رمضان اچ وی سماجی رابطے اتے فاصلے ودھاونڑ دی لوڑھ اے اتے گھراں اچ روزے اتے عبادات تے زور ڈتا ونجے تاں جو اللہ ایں توں محفوظ رکھے۔اے گالھ صدر مملکت ڈاکٹر عارف علوی گلگت دے دورے ویلھے کیتی جتھاں گورنر گلگت بلتستان راجہ جلال حسین مقپون‘ معاون خصوصی صحت ڈاکٹر ظفر مرزا‘ وزیر اعظم دے خصوصی مشیر عثمان ڈار اتے چیئر مین این ڈی ایم اے لیفٹنینٹ جنرل محمدافضل وی انہاں دے نال ہن۔گلگت ائرپورٹ تے وزیر اعلی گلگت بلتستان حافظ حفیظ الرحمان‘ چیف سیکریٹری اتے فورس کمانڈر سودھے بئے اعلیٰ حکام انہاں دا استقبال کیتے ۔صدر مملکت ڈاکٹر عارف علوی گلگت اچ کرونا وائرس دی صورتحال بارے اجلاس نال خطاب اچ کرونا دے خلاف اقدامات تے گلگت بلتستان حکومت اتے انتظامیہ دی تعریف کیتی جو ایں محنٹ نال گلگت بلتستان اچ کرونا وائرس دے 216 مریضاں اچ صرف 67 مریض رہ گین اتے باقی صحت یاب تھی گین۔صدر مملکت وبا نال نبڑن کیتے عوام اتے علما دا وی شکریہ ادا کیتے۔صدر مملکت آکھیے جو گلگت بلتستان اچ یوٹیلٹی سٹورز دے سامان دی سپلائی دی آپ نگرانی کریساں،لوکاں کوں ویلھے تے کھاونڑ پیونڑ دیاں شئیں یقینی بنڑایاں ونجن،رمضان المبارک اچ اشیا دی تھوڑ نہ تھیوے۔اجلاس اچمعاون خصوصی برائے صحت ڈاکٹر ظفر مرزا، وزیر اعظم دے خصوصی مشیر برائے امور نوجوانان عثمان ڈار،چیئرمین این ڈی ایم اے لیفٹنٹ جنرل محمد افضل ،گورنر راجہ جلال حسین مقپون اتے وزیر اعلی حافظ حفیظ الرحمان وی خطاب کیتے جڈاں جو چیف سیکریٹری گلگت بلتستان خرم آغا گلگت بلتستان اچ کرونا وائرس دے مریضاں اتے انتظامات بارے بریفنگ ڈتی ۔
لاک ڈاون دے مثبت اثرات آندے پین،شکر اے کرونا وائرس دے مریضاں دی شرح اندازیاں توں گھٹ اے،صدر مملکت ڈاکٹر عارف علوی
مضمون کا ماخذ : کوئی شہزادی۔
متعلقہ مضامین
