اسلام آباد ۔ یکم ستمبر (اے پی پی) وزیر خارجہ مخدوم شاہ محمود قریشی آکھیے جو بھارتی غیر قانونی مقبوضہ کشمیر اچ بھارت محرم الحرام اچ ظلم و تشدد دا او منظر پیش کیتے ، جیں دی مثال نی ملدی ، پوری امت مسلمہ بھارتی ر ´ویے تے کاوڑ کریندے پئن۔عالمی میڈیا اتے تنظیماں کوں بھارتی ظلم دے خلاف مشترکہ آواز چاونڑیں چاہیدی اے ۔منگل کوں مقبوضہ کشمیر دی صورتحال دے حوالے نال ہک بیان اچ وزیر خارجہ آکھیے جو مقبوضہ جموں و کشمیر اچ ، مذہبی رواداری دی کوڑی دعویدار، بھارت سرکار ظلم و ستم دی انتہا کرڈتی ۔پہلے تاں عزاداری دے جلوس کڈھنڑ دی اجازت نی ڈتی گی بعد اچ انہاں جلوساں دے شرکاءتے تشدد کیتا گیا گرفتاریاں کیتیاں گیاں ۔ پیلٹ گنز دا استعمال کیتا گیا۔ عید دے موقع تے اساں ڈٹھا جو مسیتاں کوں تالے لوا ڈتے گے تے ہنڑ محرم اچ ظلم و تشدد دا او منظر پیش کیتا گیا جیں دی مثال نی ملدی ۔انہاں آکھیے جو میں پاکستان دے سارے شہریاں دا، علما دا اتے انہاں سارے مکاتب فکر دا شکریہ ادا کرنڑ چاہنداں جنہاں محرم الحرام وچ یکجہتی، رواداری اتے وضع داری دا ثبوت ڈتے جیں پاروں سارے پروگرامز خیر خیریت نال تھئے اتے شرانگیز طاقتاں آپنڑے مقاصد اچ ناکام تھئن ۔
بھارتی غیر قانونی مقبوضہ کشمیر اچ بھارت محرم وچ ظلم تے تشدد دا او منظر پیش کیتے جیں دی مثال نی ملدی ، عالمی میڈیا اتے تنظیماں ظلم دے خلاف آواز چاون، وزیر خارجہ مخدوم شاہ محمود قریشی
مضمون کا ماخذ : لاٹری ٹکٹ لائیو
متعلقہ مضامین
