اسلام آباد۔27اکتوبر (اے پی پی):وفاقی وزیر اطلاعات و نشریات سینیٹر شبلی فراز کشمیریاں دی سیاسی ، سفارتی اتے اخلاقی حمایت جاری رکھݨ دے عزم دا اعادہ کریندے ہوئیں آکھیے جو جݙاں تئیں کشمیریاں کوں حق خوداردیت نی ملدا او تئیں پاکستان انہاں دی حمایت جاری رکھیسی ۔او منگل کوں دفتر خارجہ اچ بھارتی ظلم اتے بربریت تے یو م سیاہ دے حوالے نال منعقدہ ی تقریب توں خطاب کریندے پے ہن ۔وفاقی وزیر سینیٹر شبلی فراز آکھیے جو برصغیر پاک و ہند دی ونڈ ویلھے مسئلہ کشمیر جھیڑے وچ بدل ڳیا، کشمیر اچ مسلم اکثریت دی وجہ توں اینکوں پاکستان دا حصہ سمجھدن۔انہاں آکھیے جو نہتے کشمیری بھارتی ظلم ،جبر اتے بربریت دے خلاف بہادری ،جرات اتے مستقل مزاجی دے نال کھڑن ، اساں یقین ݙویندوں جو پاکستان دی حکومت اتے عوام کشمیریاں دے رلے ہن تے ایں طرح ہر سال 27 اکتوبر کوں بھرپور انداز نال یوم سیاہ منیندے رہ ویسوں ۔انہاں آکھیے جو اقوام متحدہ مسئلہ کشمیر دے حل کیتے قراداداں منظور کیتیاں لیکن بدقسمتی نال انہاں قرارداداں تے عمل درآمد نی تھیا ۔ انہاں آکھیے جو کشمیر دے عوام بشمول بڈھے ، مرد ،تریمتاں ، ٻال حق خودارادیت تحریک کیتے بھارتی ظلم کوں برداشت کرݨ دے نال نال قربانیاں وی ݙیندے پن
کشمیریاں دی سیاسی ، سفارتی اتے اخلاقی حمایت جاری رکھݨ دے عزم دا اعادہ ، جݙاں تئیں کشمیریاں کوں حق خوداردیت نی ملدا او تئیں پاکستان انہاں دی حمایت جاری رکھیسی ، وفاقی وزیر سینیٹر شبلی فراز
مضمون کا ماخذ : ولف گولڈ
متعلقہ مضامین
