اسلام آباد۔9نومبر (اے پی پی) پاکستان کوں خوشحال قوم بݨاوݨ کیتے ضروری اے جو اساں اسلام بارے ڈاکٹر علامہ محمدا قبال دی پیروی کروں، شاعر مشرق دے فلسفہ خودی تے یقین رکھ تے اساں اپݨی عزت اتے انسانی وقار اچ ودھارا کرسڳدوں ۔ صدر مملکت عظیم فلسفی شاعر کوں انہاں دے ڄمݨ دے ݙینھ دے موقع تے زبردست خراج عقیدت پیش کیتا۔ اپݨے پیغام اچ صدر مملکت آکھیے جو ڈاکٹر علامہ محمد اقبال برصغیردے مسلماناں دے وݙے محسن ہن جنہاں مسلماناں کیتے انجھ وطم دا خواب ݙٹھا تے بعد اچ انہاں دا خواب حقیقت وچ بدل ڳیا ، علامہ اقبال ٻہوں وݙے مفکر ہن جنہاں آپ دیاں تحریراں تے شاعری دے ذریعے مسلماناں کوں اتحاد دا درس ݙتا ، جیں دی بنیاد تے انہاں کوں انجھ وطن گھنݨ اچ مدد ملی ۔ صدر مملکت ڈاکٹر عارف علوی آکھیے جو علامہ اقبال مسلماناں اچ انقلابی روح پھوکی اتے مسلماناں دے حقوق دے تحفظ کیتے عظیم خدمات سرانجام ݙتیاں، ڈاکٹرعلامہ محمد اقبال برصغیر اچ مسلم معاشرے دے قیام کیتے اہم کردار ادا کیتا انہاں آکھیے جو شاعر مشرق دے فلسفہ خودی تے عمل اساکوں ترقی دے پاسے پڄا سڳدے ۔صدر مملکت آکھیے اساݙے اہل وطن اتے خصوصاً نینگر نسل کوں چاہیدے جو او انہاں دی پیروی کرن جیں توں جدیدی دور اچ مسلم امہ کوں پیش آندے مسلیں تے قابو پاتا ونڄ سڳدے ۔ صدر مملکت آکھیا جو پاکستان کوں ہک خوشحال قوم بݨاوݨ کیتےضروری اے جو اساں اسلام بارے ڈاکٹر علامہ محمدا قبال دی پیروی کروں ۔صدر مملکت آکھیے اڄ دا ݙٰنھ اساکوں امت مسلمہ دے اتحاد ، ترقی اتے ملک اچ خوشحالی دا درس ݙیندے ۔ صدر مملکت اپݨے پیغام دا اختتام ڈاکٹر علامہ محمد اقبال دے ایں شعر تے کیتے ۔
صدر مملکت ڈاکٹر عارف علوی دا ڈاکٹر علامہ محمد اقبال دی سالگرہ دے موقع تے پیغام
مضمون کا ماخذ : تعداد بہت زیادہ ہے۔
متعلقہ مضامین
