اسلام آباد ۔ 29 اگست (اے پی پی)بین الپارلیمانی یونین دی صدر گیبریلا کیووس بیرن پاکستان دا دورہ کرنڑ دے بعد وطن واپس روانہ تھی گئی اے ۔سینیٹ سیکرٹریٹ ولوں جاری بیان موجب سینیٹر مہمان دار ی سینیٹر مرزا محمد آفریدی اتے سینیٹ دے اعلیٰ حکام آئی پی یو دی صدر کوں اسلام آباد انٹرنیشنل ایئر پورٹ تے الوادع کیتا۔ ایں موقع تے انہاں آکھیا جو میکوں پاکستان آتے وڈی خوشی تھی اے ۔ میں پاکستانی ثقافت اتے مہمان نوازی دیاں یاداں رلے گھن تے ویندی پئی آں ، پاکستان اچ سیاحت، سرمایہ کاری اتے اقتصادی تعاون کوں ودھارا ڈیونڑ دے بہوں سارے موقع موجود ہن ، گوادر، لاہور،مری اتے بیاں جہیں آپنڑی ہک تاریخی اہمیت رکھیندن ، انہاں آکھیے جو پاکستان آئی پی یو دا ہک فعال رکن اے اتے امید کریندی آں پاکستان آئی پی یو دے پلیٹ فارم تے موثر کردار ادا کریسی ۔
مضمون کا ماخذ : را کی کتاب
