اسلام آباد ۔ 20 ستمبر (اے پی پی) وزیر مملکت تے چیئرمین سرمایہ کاری بورڈ عاطف بخاری آکھیاجو وزیر اعظم پاکستان عمران خان دے وژن کوں حقیقت دا روپ ڈیونڑ سانگے اجوکی حکومت ملک اچ سرمایہ کاری،جامع معاشی ترقی،روزگار دے نویں موقع ڈیونڑ،صنعتی ترقی اتے برآمدی پیداوار اچ ودھار سانگے کوشش کریندی پئی اے۔براہ راست غیر ملکی سرمایہ کاری سانگے پنج شعبیاں کوں پہلی ترجیح ڈتی گئی اے۔اتوار کوں اے پی پی نال خصوصی گالھ مہاڑ کریندیں ہوئیں انہاں آکھیا جو کاروبار دوست پالیسیاں بنڑاونڑ اساڈی ذمہ واری اے ۔انہاں ڈسیا جو انہاں دی قیادت اچ سرمایہ کاری وبرڈ پنج شعبے آئی ٹی انڈسٹری، ہاﺅسنگ و تعمیرات، فوڈ پراسیسنگ و زراعت، سیاحت اتے لاجسٹکس جیہے شعبیاں دے ودھارے تے اپنڑی توجہ ڈتی ویندی پئی اے۔
مضمون کا ماخذ : لاٹری جیتنے کے نمبر
