اسلام آباد۔4دسمبر (اے پی پی):وفاقی وزیر انسداد منشیات اعظم خان سواتی جمعے کوں گوگل دےپبلک پالیسی منیجر نک باور نال بذریعہ ویڈیو لنک رابطہ کیتے تے عوام اچ منشیات دے خلاف بیداری پیدا کرݨ تے منشیات دے خطرے نال نبڑݨ کیتے وزارت انسداد منشیات اتے گوگل دے نال اسٹریٹجک شراکت داری دے قیام دے حوالے نال ڳالھ مھاڑ کیتی اے ۔ ملاقات وچ وفاقی وزیر اعظم خان سواتی آکھیے جو منشیات دا مسئلہ کووڈ۔ 19 توں وی بدتر اے، وبائی مرض وانگوں ایندی وی کوئی حد کائنی ۔ منشیات انسانیت کیتے خطرے دا باعث اے۔ گوگل دے نمائندے آکھیے جو سماجی پلیٹ فارم وزارت دی رسائی کوں ودھاوݨ اچ معاون ثابت تھی سڳدن ڄݙاں جو ڈیجیٹلائزیشن توں وزارت دے کماں کوں مزید بہتر بݨاوݨ اچ مدد مل سڳدی اے ۔انھاں آکھیے جو ویب اتے موبائل ایپلیکیشنز توں عوام اچ شعور ݙیوݨ تے معاشرے اچ تبدیلی گھن آوݨ اچ وی مدد مل سڳدی اے ۔وفاقی وزیر اعظم سواتی آکھیے جو موجودہ دور اچ پیش آندے چیلنجاں نال نبڑݨ کیتے ٹیکنالوجی دا استعمال لازمی تھی ڳے ۔
