اسلام آباد۔15دسمبر(اے پی پی)صدر مملکت ڈاکٹر عارف علوی آکھیے جو ہندوتوا نظریہ پاروں بھارتی معاشرہ تباہی دو ویندا پئے، غیر قانونی طور تے بھارت دے زیر قبضہ جموں و کشمیر اچ جو کجھ وی تھیندا پئے او آر ایس ایس دے عیسائیاں کوں جبری مذہب وٹاوݨ سودھا، مسلماناں اتے اقلیتاں دے خلاف پالیسیاں دی حمایت اچ وݙے عرصے توں جاری اقدامات دا تسلسل اے، گوجرہ واقعہ اتے بابری مسجد اچ بھارتی سپریم کورٹ ٻہوں تعصب ݙکھائے، ہندوستان اچ اقلیتاں کوں اعلی عدلیہ توں انصاف دی کوئی امید کائنی، اے ڳالھ انہاں سرکاری ٹی وی کوں انٹرویوا اچ آکھی۔ انہاں آکھیا جو پاکستان متوازن خارجہ پالیسی تے ٹردا پئے جیندا کہیں پاسے وی جھکائو کائنی۔ انہاں آکھیا جو ہندوتوا دے سرگرم حامی ، گول والکر دے بعد آر ایس ایس اچ مودی اتے ایڈوانی جھیں لوک شامل ہین، گول والکر ہمیشہ ہٹلر دے کردار دی نقل کیتی اتے ہندو قوم پرستی کوں فعال کیتے جیندی عکاسی مقبوضہ کشمیر اچ تھیندی پئی اے۔ انہاں خشونت سنگھ دی کتاب اچ بھارت دے خاتمہ دا حوالہ ݙتے جو “ہندوستان کتاں تے ہتھ ویندا پئے”جے تئیں کوئی معجزہ نئیں تھیندا بھارت آپو ترٹ ویسی”۔ اے خود کشی اساں آپ کریندے پئے ہیں۔ انہاں آکھیے جو مقبوضہ کشمیر اچ بھارتی مظالم اتے ظلم و بربریت کشمیری عوام دی مسلسل وحشیانہ محکومیت دا وݙا ثبوت اے، بھارت سچا اے تاںو ادی کوں جگ کیتے کھولے تاں جو پتا لڳے کہ بھارت کشمیر اچ کیا گل کھلیندا پئے۔ انہاں اقوام متحدہ اتےا و آئی سی توں مطالبہ کیتے جو او بھارت دا محاسبہ کرے۔ صدر آکھیے جو پاکستان اقلیتاں کیتے جنت اے، پاکستان معیشت دا نواں مرکز بݨدا پئے، سی پیک خطے دی ترقی کیتے اہم ثابت تھیسی، پاکستان خطے اچ جھیڑے مکاوݨ کیتے اہم کردار جاری رکھیسی۔
