اسلام آباد 04 ستمبر (اے پي پي) د اطلاعات، خپرونو وفاقي وزير عطاءاللہ تارړ وئيلي دي جديد ټيکنالوجي نه غير پرمختګ ممکن نه دے، د سوشل ميډيا د لارې بې بنسټه او جعلي خبرونه خپريږي، حکومت د ټيکنالوجي په اړه ځينې ګامونه پورته كړي۔دا خبره ده د شورو په ورځ ځائې هوټل كښې د ټيك ويلي تر سيورې لاندې د ”ډيجيټل صحافت …. پاکستانو خبريالانو لپاره تربيتي پروګرام“ ته وينا كښې وكړه۔ وفاقي وزير عطاءاللہ تارړ ووئيل تيرو څو لسيزو راهسې ډيجيټل اسپيس لوي پرمختګ كړے، حکومت د جديد ټيکنالوجي په اړه ډير كار كړے۔ده ووئيل كله چې محمد شهباز شريف د پنجاب وزيراعليٰ ؤ، نو هغه وخت هم ما هغه سره كار كړے ،مونږ ته معلومه وه چې د ټيکنالوجي نه غير پرمختګ نه شي كيدے۔ده ووئيل مونږ د پاكستان وړومبې لينډ ريکارډ انفارمېشن سسټم جوړ كړے او ټول لينډ ريونيو سسټم ډيجيټلائز شوے كوم چې د برتانيې راج په وخت په رجسټرو كار كولو،د لسيزو راهسې د دې نظام چا د بدلولو هڅه نه وه كړې ۔ خو مونږ دغه چيلنج قبول کړے ؤ ، دا كار آسان نه ؤ،مونږ وړومبے لينډ ريکارډ سسټم ډيجيټل ډومين كښې داخل كړے او هغه د روايتي نظام څخه ډيجيټل نظام ته په كاميابۍ سره منتقل شوے۔ وفاقي وزير ووئيل مونږ د پاكستان وړومبے سېف سټي پراجيکټ هم بشپر كړے چې مقصد يي د جرائمو پشمول په ترهه ګرۍ قابو موندل وؤ۔ده ووئيل كه مونږ د وخت سره خپل ځان بدل نه كړو نو وخت به مونږ بدل كړي۔ده ووئيل ډيجيټل دور كښې چرته چې د معلومات تصديق ضروري عمل دے، هلته به مونږ له نړۍ د حقيقت څخه خبرول وي۔ده ووئيل ورځپاڼو كښې ايډيټوريل کنټرول نظام شته خو ډيجيټل ډومين كښې د بده مرغه مونږ داسې څه تګلاره نه لرو چرته چې د معلوماتو تصديق وكړے شي۔ده ووئيل د جعلي خبرونو سره معيشت ته زيان رسي، يو وړوكے او غلط خبر د هېواد تشخص متاثره كولې شي۔ ده ووئيل مونږ له خبريالانواو ډيجيټل فري لانسرز له مناسبې تبيې وركولو ته اړتيا ده دغسې چې دوي د هېواد سفيران جوړ شي او په ټوله نړۍ كښې د پاكستان مثبت اميج رامخې ته كړي۔ وفاقي وزير ووئيل ما چې كومي سيمې څخه ټاكنو كښې برخه اخستي هغه عامه روايتي حلقه نه ده،د هغه سيمه 70 زره اقليتي ووټران لري او كله چې هم ما د سيمي د اقليتي ووټرز سره رابطه وكړه نو داسې محسوس شوه چې هغوې خپل ځان غير محفوظ ګڼي۔ده ووئيل ځينې مذهبي انتهاء خوښي غلط فهمۍ راپيدا كوي،داسې وګړي كوم چې غلط معلومات خپروي هغه چرې زمونږ ملګري نه شي كيدے۔ده ووئيل د اطلاعات وزارت كښې د فيکټ چيك نظام د تيرو دوو كلونو راهسې كار كوي،مونږ ډيجيټل پليټ فارمز لرو ، فيکټ چيك د لارې د دې نظام ترمخه په سوشل ميډيا په خبرونو نظر ساتلے كېږي، جعلي خبرونه په ګوته كېږي او اولس ته وئيلي كېږي چې دغه معلومات ناسمه يا جعلي دي۔ده ووئيل د خبريالانو تربيې په اړه ټيك ويلي او ګوګل ښه اقدام كړے ،زه باور لرم دغه تربيې زمونږ د ټولنې تعمير كښې مهم کردار ترسره كوي۔ده ووئيل ټولنه كښې انتشار خپريدو لپاره سوشل ميډيا استعماليږي، د سوشل ميډيا د لارې بې بنسټه خبرونه خپريږي۔ انتهاء خوښي هم د سوشل ميډيا استعمال کوي۔د ګوګل او ټيك ويلي د خبريالانو د تربيې اقدام ستائلو سره د هر ممكن مرستي باور راكړے ٬ وفاقي وزير ووئيل د خبريالانو مناسبې تربيې سره مونږ يو داسې چاپيرچل جوړولې شو چې مونږ د خپل اولس ترمينځه همغږۍ ته وده وركړو۔ ده ووئيل مونږ بايد د ډيجيټل اسپيس مثبت استعمال ته وده وركړو۔مونږ محفوظ ماحول لپاره چمتو يو دغسې چې مونږ وګړو له ښه ماحول وركړو۔ده ووئيل موجودہ دور كښې په ډيجيټل اسپيس زياتي پام لرني ته اړتيا ده،په دې اړه مونږ لوظي يو۔ كوګل او ټيك ويلي په سم وخت اقدام كړے۔ده ووئيل زه هغه خبريالانو ته پيرزوئنې وړاندې كوم چا چې په سخت وخت كښې خپل پيشه وره فرائض ترسره كړي۔ ده ووئيل بايد مونږ په قانون عمل دارۍ له خپل غږ پورته كړو او مونږ په قامي سلامتيا، موسمياتي بدلون ، د صنفي مساوات پشمول په نورو مسئلو كار وكړو۔
جديد ټيکنالوجي نه غير پرمختګ ممکن نه دے، د سوشل ميډيا د لارې بې بنسټه او جعلي خبرونه خپريږي ۔ د اطلاعات وفاقي وزير عطاءاللہ تارړ د ټيك ويلي پاکستان تر سيورې لاندې د ”ډيجيټل صحافت“ په سرخط دستوري ته وينا
مضمون کا ماخذ : نتیجہ میگا سینا
متعلقہ مضامین
.jpg)
.jpg)
