ملتان ۔22 مارچ (اے پی پی)وزیر خارجہ مخدوم شاہ محمود قریشی آکھیے جوسارے صوبیں توں گزارش اے جو او انجھ انجھ فیصلے کرنڑ دی بجائے آپنڑیاں تجویزاں نیشنل کوارڈینیشن کمیٹی دے سامنڑے رکھن۔جیرھی چنگی عمل تجویز ہوسی وفاقی حکومت انہاں تے غور کریسی ۔اساں صوبیں توں انجھ کائنی تے نہ صوبے اساں توں انجھ ہن ،اساکوں ہک قومی پالیسی کوں اپناونڑاں اے ۔اتوار دے ڈینھ کورونا وباءتوں بچنڑ دے حوالے نال ہک بیان اچ وزیرخارجہ شاہ محمود قریشی آکھیے جو لوک حالی وی ذمے واری دا مظاہرہ کائنی کریندے پئے تے صورت حال کوں سنجیدہ کائنی گھندے پئے ،اساں ساریں کوں ایں ویلھے ذمے واری دا ثبوت ڈیونڑاں اے ، حکومت جیرھی ہدایات تساکوں ڈیندی پئی اے تساڈی بہتری کیتے ہے ۔انہاں آکھیے جو بہوں سارے یورپی ملک جنہاں ڈے وسائل ہن احتیاط نہ کرنڑ پاروں اتھاں صورت حال بہوں تشویشناک تھی گئی اے ۔ اٹلی، برطانیہ، جرمنی، فرانس اتے امریکہ دی صورت حال تساڈے سامنڑے ہے ۔کل میڈی جرمنی دے وزیر خارجہ نال گال تھئی اے انہاں ڈسائے جو 20ہزار توں ودھ لوک انہاں ڈے وبا دا شکار تھی گن ۔اساکوں احتیاط کرنڑیں پوسی ۔وزیرخارجہ آکھیے جو” سوشل ڈسٹنسنگ (معاشرتی فاصلہ) ” ہی ایں وبا توں بچنڑ دا ہکو رستہ اے ۔وزیر اعلیٰ سندھ لوکاں توں اپیل کیتی ہئی جو ترائے ڈینھ کیتے ازخود آئسولیش اچ رہن لیکن لوکاں حالی وی سنجیدگی نی ڈکھالی ۔کل سکھر اچ لوک کوارنٹائین سینٹر توں احتجاج کریندے ہوئیں باہر نکل آئے ۔وزیر اعظم عمران خان آکھیا ہئی جو ہنڑ صورت حال تکھے بدلدی پئی اے تے او روزانہ دی بنیاد تے ایں صورت حال دا جائزہ گھن تے اقدامات کریندے رہسن ۔
سارے صوبیں توں گزارش اے جو او انجھ انجھ فیصلے کرنڑ دی بجائے آپنڑیاں تجویزاں نیشنل کوارڈینیشن کمیٹی دے سامنڑے رکھن ، مخدوم شاہ محمودقریشی
مضمون کا ماخذ : لوٹیریا کے اعدادوشمار
متعلقہ مضامین
