ملتان ۔ 17 ستمبر (اے پی پی) وزیر اعلی پنجاب سردار عثمان بزدار رات دیر تئیں بغیر پروٹوکول ملتان دے مختلف علاقیں دا اچانک دورہ کیتا۔ملتان دی انتظامیہ وی وزیراعلی عثمان بزدار دے دورے توں لاعلم رہی ۔وزیراعلیٰ عثمان بزدار ایں موقع تے شہر اچ صفائی دی خراب صورتحال اتے سٹریٹ لائٹس دی بندش دا نوٹس گھندے ہوئیں متعلقہ اداریں تے کاوڑ کیتی اتے حکام توں پچھ پریت کیتی ۔ وزیراعلی پنجاب صفائی دی ابتر صورتحال تے ملتان ویسٹ مینجمنٹ کمپنی دے ڈپٹی منیجر عثمان خورشید اتے انچارج سٹریٹ لائٹس محمد نفیس احمد کوں معطل کرڈتا ۔وزیراعلیٰ دے حکم تے چیف آفیسرملتان میٹروپولٹین کارپوریشن کوں انکوائری افسر مقرر کرڈتا گئے ۔وزیراعلیٰ بوسن روڈ ، ملتان پبلک سکول اتے کجھ بئے علاقیں اچ کچرا ڈیکھ تے سخت کاوڑ کیتی تے ملتان ویسٹ مینجمنٹ کمپنی دے چیف ایگزیکٹو آفیسٹوں 2 ڈینھ اچ تحریری وضاحت منگ گھدی ۔وزیراعلی پنجاب عثمان بزدار آکھیا جو ملتان شہر دی صفائی دی ذمے وار ایم ڈبلیو ایم سی تے لگدی اے ایں سلسلے اچ وسلائی ہرگز برداشت نہ کریساں ۔ انہاں آکھیے جو شہر اچ صفائی دی صورتحال دا خود جائزہ گھدے تے وارننگ دے باوجود بہتری نہ ہوونڑ افسوسناک اے۔انہاں حکم ڈتے جو شہر اچ سٹریٹ لائٹس کوں ترجیحی بنیاداں تے وختی درست کیتا ونجے ۔سٹریٹ لائٹس روشن نہ تھیونڑ نال عوام کوں دشواری دا سامنڑاں کرنڑاں پوندے ۔چیف آفیسر میٹروپولیٹن کارپوریشن سب انجینئر نفیس احمد اتے ایڈیشنل ڈپٹی کمشنر ریونیو ایم ڈبلیو ایم سی دے ڈپٹی منیجر عثمان خورشید دے خلاف انکوائری دی رپورٹ 2 ڈینھ وچ پیش کریسن ۔
وزیراعلی دا رات دیر تئیں بغیر پروٹوکول ملتان شہر دا دورہ، ناقص صفائی اتے سٹریٹ لائٹس دی بندش تے کاوڑ کیتی
مضمون کا ماخذ : بفیلو بلٹز
متعلقہ مضامین
