اسلام آباد ۔ 4 فروری (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان دا کوالا لمپور دا دورہ تاریخی اہمیت رکھیندے ، وزیراعظم مہاتیر محمد اتے وزیراعظم عمران خان رل تے ڈوہیں ملکاں دے درمیان دوستی، اعتماد، محبت، تعاون اتے سانجھ عمل دا نواں باب لکھیندے پن ۔ منگل کوں اپنڑے ٹویٹ اچ ڈاکٹر فردوس عاشق اعوان آکھیے جو اے دوستی، اعتماد اتے محبت پاکستان اتے ملائیشیاءدے درمیان ترقی اتے خوشحالی دا نواں دروازہ ثابت تھیسی ۔ڈوہیں وزراءاعظم امت مسلمہ اتے اسلام دے ترجمان بنڑ تے دنیا اچ ابھریے۔انہاں آکھیے جو پاکستان اتے ملائیشیاءدے عوام سمیت پوری امت مسلمہ کیتے اے ڈو پاسے سانجھ عمل خوشخبری دے مترادف اے ۔
مضمون کا ماخذ : جنگل کے راز
