اسلام آباد۔7دسمبر(اے پی پی) نیشنل کمانڈ اینڈ آپریشن سنٹر دے اجلاس اچ صوبائی چیف سیکرٹریز ویڈیو لنک توں شرکت کیتی۔ سنوار کوں تھیوݨ آلے اجلاس اچ فورم کوں ملک اچ کورونا مثبت کیسز دے تناسب بارے ݙسیا ڳیا،کورونا ایس او پیز بارے منائے ڳئے ہفتے سانڳے وفاقی اکائیاں دے اقدامات اتے کورونا وائرس دی وبا دی ݙوجھی لہر اچ اہم ضروریات دا جائزہ ڳھدا ڳیا ۔فورم کوں ݙسیا ڳیا جو پچھلے ݙو ہفتے توں ہر ݙینھ دی بنیاد تے کیتے ڳئے کورونا ٹیسٹ دی تعداد چالھی ہزار توں ودھ اے۔ 81 فیصد کورونادے مثبت کیسز وݙے شہراں توں رپورٹ تھین۔ پچھلے ہفتے وچال 40 فیصد ٹیسٹنگ کانٹکٹ ٹریسنگ دی پالیسی تے کیتی ڳئی۔ پاکستان اچ چار ہزار 503 سمارٹ لاک ڈائون لاتے ڳئن انہاں سمارٹ لاک ݙائون دا نفاذ15 لکھ 12 ہزار 903 بندیاں تے اثر انداز تھیسی۔ فورم کوں صوبیاں اچ ایس او پیز تے عمل درآمد بارے ݙسیا ڳیا۔ فورم کوں ݙسیا ڳیا جو پاکستان اچ کورونا دے ݙو ہزار 539 مریض دی حالت تشویشناک اے اتے تشویشناک مریضاں دی تعداد ودھدی ویندی اے۔ صوبیاں اچ کورونا دے مثبت کیسز دے لحاظ نال آزاد جموں کشمیر اچ 11.93 فیصد، بلوچستان اچ11.61 فیصد ، گلگت بلتستان اچ 2.89 فیصد ، اسلام آباد اچ 8.20 فیصد، خیبرپختونخوا 8.22 فیصد ، پنجاب 5.54 فیصد اتےسندھ اچ 15.83 فیصد اے۔
نیشنل کمانڈ اینڈ آپریشن سنٹردا اجلاس، کورونا ایس او پیز دے ہفتہ سانڳے وفاقی اکائیاں دے اقدامات ، وبا دی ݙوجھی لہر وچال اہم ضروریات دا جائزہ ڳھدا ڳیا
مضمون کا ماخذ : آن لائن لاٹری پاکستان
متعلقہ مضامین
