اسلام آباد ۔ 08 جولائی (اے پی پی) وزیراعظم محمد نواز شریف آکھے جو عبدالستار ایدھی مرحوم آپنڑیں عمل نال ثابت کیتے جو انسانیت دا احترام ہر مذہب دی بنیاد ہے ۔ اید ھی دی پہلی برسی دے حوالے نال وزیراعظم آکھے جو ایدھی دی یاد منیدے ہوئیں ضروری ہے جو اساں انہاں دے کردارکوں سامنڑیں رکھن اتے او خوبیاں پیدا کرن جیہڑیاں جو ایدھی صاحب اچ ہن ۔ عبدالستار ایدھی دی برسی دے موقعے تے وزیراعظم نواز شریف مرحوم کوں خراج عقیدت پیش کریندے ہوئیں آکھیا جو عبدالستار ایدھی دی طرح دے لوک صرف ملک تے قوم دا ہی نہیں جڈانجو پوری انسانیت دا سرمایہ ہوندے ہن ۔ عبدالستار ایدھی آپنڑیں زندگی خدمت خلق کیتے وقف کر ڈتی۔ انہاں رنگ و نسل یا ذات اتے مذہب دا فرق کائنی رکھیا ہر انسان کوں بطور ہک انسان دے اشرف المخلوقات دے مقام اُتے رکھے اتے لوکیں دی خدمت کرنڑاں ہک سعادت سمجھے ایں سانگے انہاں دے ایں کردار پاروں اج ساری دْنیا اچ عبدالستار ایدھی کوں قدر و منزلت نال ڈیٹھا ویندے ۔ انہاں دی برسی منیدے ہوئیں انہاںکوں خراج عقیدت پیش کرنڑ دا بہترین طریقہ اے ہے جو اساں خدمت خلق کو ں آپنڑاں شعار بنڑائوں، آپنڑیں اندر او خوبیاں پیدا کروں جیہڑیاں جو ایدھی صاحب اچ موجود ہن ۔
عبدالستار ایدھی مرحوم آپنڑیں عمل نال انسانیت دا احترام ہر مذہب دی بنیاد ہونڑاں ثابت کیتے ، وزیراعظم نواز شریف
مضمون کا ماخذ : como apostar na loteria
متعلقہ مضامین
