اسلام آباد ۔08اپریل (اے پی پی) پاکستان ریلوے مسافراں دی سہولت سانگے گرین لائن دے کرایاں اچ 10فیصد گھٹکی کر ڈتی ۔ ڈویژنل کمرشل آفیسر پاکستان ریلوےز راولپنڈی رضاعلی حبیب اے پی پی کو ں ہک انٹرویو اچ ڈسایا جو پاکستان ریلویز راولپنڈی توں کراچی تئیں دا سفر کرنڑآلے مسافراں کیتے کرائے اچ 600 روپے دی کمی کیتی ہے جیہ ©ڑا جو 5990 روپے توں گھٹ تھی تے 5340 روپے تھی گئے ۔ انہاں آکھیا جو راولپنڈی توں لہور تئیں گرین لائن دا کرایہ 1200روپے جڈانجو راولپنڈی توں خانیوال تئیں 2410 روپے مقرر کیتا گئے ، ایں طرح راولپنڈی توں بہاولپور تئیں 3180روپے جڈانجو راولپنڈی توں روہڑی تئیں نواں کرایا 4430 روپے مقرر کیتا گئے ، گرین لائن دے مسافر راولپنڈی توں حیدرآباد کیتے 5060 روپے کرایہ ادا کریسن ۔ انہاں آکھیا جو سیکورٹی اقدامات، معیاری خدمات اتے وقت دی پابندی پاروں ریل دے ذریعے سفر کرنڑآلیاں مسافراں دی تعداد اچ ہر ڈینھ ودھارا تھیندا پئے ۔انہاں امید ظاہر کیتی جو ایں سال پاکستان ریلویز 45 ارب روپے کماگھنسی ، جڈانجو گزریل سال اے آمدنی 38ارب روپے رہی ہئی ۔
پاکستان ریلوے گرین لائن دے کرایاں اچ 10فیصد گھٹکی کر ڈتی
مضمون کا ماخذ : raspadinha آن لائن
متعلقہ مضامین
