اسلام آباد ۔ 4 اکتوبر(اے پی پی)چیئرمین سینیٹ محمد صادق سنجرانی سی پیک اچ سرمایہ کاری دے موقعیاں فیدہ چاونڑ کیتے یورپی ملکاں اتے وسط ایشیائی ریاستاں کوں پاکستان دا ہتھ ونڈاونڑ دی دعوت ڈتی اے۔او اسلام آباد اچ رومانیہ، قطر، فرانس اتے آسٹریلیا دے سفیران نال انجھو انجھ ملاقاتاں اچ الویندے پئے ہن۔ملاقات اچ ڈو طرفہ تعاون، عالمی و علاقائی امن و سلامتی، معاشی و تجارتی رابطے ودھاونڑ تے گالھ مہاڑ کیتی گئی۔چیئرمین سینیٹ صاق سنجرانی نال فرانس دے سفیر مارک بیرٹی ،قطر دے سفیر ساقر بن مبارک المنصوری،رومانیہ دے سفیر نگولائی گوئیا ، آسٹریلوی ہائی کمشنرمارگریٹ آدمسن نال ملین۔ انہاں سفیراں کوں ایشیائی پارلیمانی اسمبلی دے اکتوبر دے آخری ہفتے تھیونڑ آلے اجلاس اچ اپنڑے پارلیمانی وفودگھن آونڑ دی وی دعوت ڈتی۔
مضمون کا ماخذ : مڈاس گولڈ
