اسلام آباد ۔ 23 جولائی (اے پی پی) وزیراعظم عمران خان سارے چیف سیکرٹری صاحبان کون ہک ہفتے اچ تعمیرات دے شعبے کیتے ون ونڈو دی سہولت اتے حکومتی اجازت نامے، فیساں دی ادائیگی، مختلف متعلقہ محکماں ولوں درخواستاں تے متوازی کم کرنڑ دا آن لائن نظام متعارف کراونڑ سانگے لائحہ عمل پیش ڈیونڑ دی ہدایت کیتی اے۔نیشنل کوآرڈنینشن کمیٹی برائے ہاوسنگ، کنسٹرکشن اینڈ ڈویلپمنٹ دے اجلاس دی اگونڑی کریندے ہوئے اپنڑے خطاب اچ وزیراعظم عمران خان آکھیے ج?? تعمیرات دے شعبے کوں ترقی ترجیح اے،ایں صنعت دے ودھارے ، اپنڑا گھر دا خواب اتے روزگارڈیونڑکیتے ودھ سوکھ ڈتا ویسی، تعمیرات دے شعبے کیتے حکومتی مراعاتی پیکیج دا مقصد معاشی عمل تیکھا کرنڑ،تعمیرات نال جڑیے صنعتاں، مزدور،عام لوک اتے گھٹ آمدن آلے لوکاں کوں اپنڑے سر دی چھت ڈیونڑاے، ایں سانگے نظام کو ں سوکھا کرنڑ کیتے ٹیکس دی شرح وی گھٹا ڈتی گئی اے۔ اجلاس اچ وفاقی وزیرِ اطلاعات شبلی فراز، معاونینِ خصوصی ملک امین اسلم، لیفٹیننٹ ج??رل (ر) عاصم سلیم باجوہ، ڈاکٹر شہباز گل، چئیرمین نیا پاکستان ہاﺅسنگ اینڈ ڈویلپمنٹ اتھارٹی لیفٹیننٹ ج??رل (ر) انور علی حیدر، گورنر سٹیٹ بنک، سیکرٹری ہاوسنگ، چیف سیکرٹری پنجاب، چیف سیکرٹری خیبر پختونخوا اتے چیف سیکرٹری گلگت بلتستان شریک تھین۔ ویڈیو لنک دے ذریعے سندھ، بلوچستان دے صوبائی چیف سیکرٹری صاحبان?? آزاد جموں و کشمیر دے ایڈیشنل چیف سیکرٹری، صدر نیشنل بنک، صدر بنک آف خیبر و دیگر وی شریک تھین۔زیراعظم چتائے ج?? تعمیرات دے شعبے دی ترقی اچ غفلت یا غیر ضروری رکاوٹاں ستنڑ آلے عناصر دے خلاف سخت ایکشن گھدا ویسی،ایں سانگے ہر سطح تے انفارمیشن ٹیکنالوجی کوں استعمال کیتا ونجے،سارے فریقین نال ہر ویلھے صلاح مشورہ کیتا ونجے تاں جو رئیل اسٹیٹ ریگولیٹری اتھارٹی تیکھے کم شروع کر سکے۔اجلاس اچ ہاوسنگ فنانس کیتے بنکاں نال معاملات، سبسڈی اتے بئے امور تے وی الایا گئے۔
