اسلام آباد۔13دسمبر (اے پی پی):وفاقی وزیر اطلاعات سینیٹر شبلی فراز آکھیے جو عوام دی زندگی اچ ہر ممکن سہولتاں گھن آوݨ کیتے پرعزم اتے سرگرم عمل ہن، کھنڈ دی قیمت اچ کمی عمران خان دا غریب کوں ریلیف ݙیوݨ دے عزم دا واضح اظہار اے۔ اتوار کوں اپݨے ٹویٹ اچ وفاقی وزیر سینیٹر شبلی فراز آکھیے جو کورونا وبا دے باوجود عمران خان دی دانشمندانہ حکمت عملی پاروں پاکستان دی معیشت وروزگار تے انسانی زندگیاں محفوظ رہیاں۔ انھاں آکھیے جو چیلنجز دے باوجود پاکستان دے معاشی اشاریئے مثبت ہن،مالی سال دی پہلی چھی مہینے اچ ترسیلات زر اچ 27 فیصد،غیر ملکی براہ راست سرمایہ کاری اچ 150فیصد اتےسیمنٹ دی پیداوار اچ 17 فیصد ودھارا تھئے ۔ نومبر اچ کار سیل اچ 68 فیصد ودھارا تھیا ۔ٹریکٹرز، موٹر سائیکلز دی فروخت اچ واضح ودھارا تھیا ۔ انھاں آکھیے جو وزیراعظم عمران خان دی قیادت اچ حکومت عوام دے روشن مستقبل کیتے کوشاں اے ، ترقی دا اے سفر ہیں رفتار نال جاری رہسی ۔
