اسلام آباد 16 مئي (اے پي پي) د پبلك اکاٶنټس کمېټۍ غونډه د نهې په ورځ د چيئرمېن نورعالم خان په مشرۍ كښې د پارلمان په ودانۍ كښې وشوه چې پكښې د كمېټۍ د غړو پشمول اړوند سركاري چاروكو ګډون كړې۔ په غونډه كښې د اکائونټنټ جنرل آف پاکستان لخوا د سپريم كورټ د كال 11-2010 نه تر 221-2020 د لازمي خرڅونو تفصيلات د پي اے سي په اېجنډه وړاندې كړې شول۔ د پي اے سي چيئرمېن نورعالم خان ووئيل د سپريم کورټ پرنسپل اکائونټنګ افسر نه دې راغلے٬ شېخ روحيل اصغر ووئيل د ھغه په غېر موجودګۍ كښې به د ګرانټس ځواب څوك وركوي٬ نورعالم خان ووئيل مونږ به د آئين نه ماورائے كار نه كوٶ٬ د سپريم کورټ پرنسپل اکاٶنټنګ افسر رابللے شوې ٶ٬ د سپريم كورټ 83 آډټ اعتراضونه جوړ شوي وو چې پكښې يوازې 12 سيټل شوې دي٬ پي اے سي ته ووئيل شول چې د صدر مملکت مياشتنۍ ګراس تنخواه 896550, د وزيراعظم ګراس تنخواه 201574, د وفاقي وزير 338125,د اسمبلۍ د غړي تنخا 188000 ، د سپريم کورټ د چيف جسټس ګراس تنخواه 1527399, د سپريم کورټ د جج ګراس سيلري1470711, او د ګرېډ 22 د وفاقي سرکاري افسر ګراس سيلري 591475 روپۍ ده۔ اټارني جنرل منصور اعوان د آرټيکل 31 اے او سي حواله وركولو سره ووئيل چې سپريم کورټ د لازمي خرڅونو په مد كښې راځي په ھغه د پارلمان ووټنګ نه كېږي٬ د سپريم کورټ د فل کورټ پرېكړه وه چې رجسټرار به نه وړاندې كېږي خو د حسابات د تفصيلاتو نه وركول په پرېكړه كښې ذكر نه ٶ۔ د سپريم کورټ چې كومې پېرے سيټل نه دي د ھغې تفصيلات پي اے سي غوښتې شي۔ سيد حسېن طارق ووئيل په لازمي خرڅونو ووټنګ نه كېږي خو په بجټ كښې پرې بحث كېږي۔ آډيټر جنرل ووئيل مونږ د ټولو ادارو د حسابونو آډټ كوٶ۔ نور عالم خان ووئيل د آډيټر جنرل آفس د سپريم کورټ د كال 2015 نه تر كال 2021 آډټ كړے دے۔ شېخ روحيل اصغر ووئيل د تنخاګانو نه علاوه دوي ته د ترلاسه مراعاتو تفصيلات دې هم طلب كړې شي۔ نورعالم خان ووئيل تر ټولو ټيټه نتخا د پارلماني غړو ده۔ اټارني جنرل ووئيل د لازمي خرڅونو آډت كېدې شي او پي اے سي د آډټ رپورټ جاج اخستې شي٬ پي اے سي دې آډيټر جنرل څخه د سپريم کورټ د آډټ تفصيلات طلب كړي۔ نورعالم خان ووئيل مونږ سپيکر او چيئرمېن ته هم چيټۍ ليكلے ده چې د عرفان قادر پشمول سينئر وكيلانو سره دې مشاورت وكړي شي٬ د كال 2010 نه تر كال 2023 سپريم كورټ ته د وركړې شوې فنډز تفصيلات دې راكړې شي٬ په دې د پي اے سي ځينې غړو ووئيل چې د سپريم کورټ رجسټرار ته دې يو بله موقع وركړې دي٬اټارني جنرل ووئيل كوم انفارمېشن چې پي اے سي ته پكار دي ھغه دې د دې نه هم خبر كړې شي دغسې چې ھعه ټول تفصيل رواړي۔ پي اے سي تر راتلونكې نهې ورځې د سپريم كورټ رجسټرار ته پي اے سي ته د وړاندې كېدو يوه بله موقع وركولو سره ووئيل كه ھعه حاضر نه شو نو د ګرفتارۍ وارنټ او سمن دواړه به جاري كېږي۔ په دې موقع نورعالم خان ووئيل د افغان وګړو په پنجاب، خېبرپښتونخوا او نورو صوبو كښې شناختي كارډز جوړېږي٬ د مئي د نهمې نيټې په پېښو كښې په مبينه توګه د ځينې افغانانو لاس ٶ٬ كوم ريټائر سركاري ملازن چې په دې پېښو كښې ككړ دي د ھغوي پنشن دې ايسار كړې شي او د اور لګولو په پېښو كښې د ككړ ځوانانو كيرېكټر سندونه دې هم ايسار كړې شي
د چيئرمېن نورعالم خان په مشرۍ كښې د پي اے سي غونډه٬آډيټر جنرل څخه د سپريم كورټ د آډټ تفصيلات طلب
مضمون کا ماخذ : پاور بال کے اعدادوشمار
متعلقہ مضامین
