اسلام آباد۔7دسمبر (اے پی پی):وفاقی وزیر داخلہ شیخ رشید احمد آکھیے جو انتہاپسندی دا رستہ روکݨ کیتے ساریں کوں رل تے کردار نبھاوݨا ہوسی ، سیالکوٹ واقعہ توں ملک دی بدنامی تھئی اے ، اساکوں انتہا پسندی دا پرچار کرݨ آلیاں طاقتاں دی نفی کرݨی چاہیدی اے ، جلسے جلوس اپوزیشن دا حق اے، 23 مارچ کوں سامان حرب دی نقل و حمل دی وجہ توں کجھ رستے بند ہوندن ایں کیتے اپوزیشن ک??ں آپݨے فیصلے تے غور کرݨا چاہیدے ،حکومت اپݨی آئینی مدت پوری کر??سی تے پاکستان اچ جمہوری عمل اڳوں ودھسی ۔ منگل کوں پریس کانفرنس توں خطاب کر??ندے ہوئیں وزیرداخلہ آکھیے جو انتہاپسندی دا رستہ روکݨ کیتے ساریں کوں رل تے کردار نبھاوݨا ہوسی ۔ میڈیا ہائوسز دہشت گردی اتے انتہا پسندی اچ ملوث لوکاں دی ڳال کوں پیش نہ کرن تاں یقین اے جو ملک بہتری دے پاسے ویسی ، انہاں آکھیے اساں سارے سیالکوٹ واقعہ دی مذمت کر??ندوں ، ایں واقعہ توں ملک دی بدنامی تھئی۔ واقعہ اچ ملوث لوکاں دے خلاف قانونی کاروائی کیتی ویندی پئی اے ۔ وزیر داخلہ آکھیے جو اساکوں نہ صرف پولیس دے مورال کوں سپورٹ کرݨا اے بلکہ انہاں طاقتاں تے میڈیا ہائوسز دی وی حوصلہ شکنی کرݨی اے جیڑھی جو انتہا پسندی کوں ہوا ݙیندن ۔ ساری قوم رل تے انتہا پسندی داقلع قمع کرݨ دا عہد کر?? ۔ وزیرداخلہ آکھیے جو ھک سال دی کارکردگی 14 دسمبر کوں پیش کر??سوں ۔ انہاں آکھیے جو افغانستان توں ھک لکھ 82 ہزار لوک ویزے تے آئے ہن، 66 ہزار واپس ڳئن اتے 12 ہزار ملک توں ٻہر ڳئن ۔ 40 توں 50 ہ??ارلوکاں یو این سی ایچ آر نال رابطہ کیتے ۔ ھک سوال دے ولدے اچ وزیر داخلہ آکھیے جو کوئی نگران حکومت نہ آسی ۔ حکومت اپݨی آئینی مدت پوری کر??سی تے پاکستان اچ جمہوری عمل اڳوں ودھسی ، ھک ٻئے سوال دے ولدے اچ انہاں آکھیے جو پی ڈی ایم احتجاج کیتے 23 مارچ دا انتخاب کیتے ۔23 مارچ یوم پاکست??ن دے طورتے منایا ویندے ، یوم پاکستان پریڈ دیاں تیاریاں اتے سامان حرب دی نقل و حمل دی وجہ توں 23 مارچ توں کجھ ݙینھ پہلے ہی کجھ رستے بند کرݨے پوندن ایں کیتے اپوزیشن لانگ مارچ دی تاریخ بدالے ۔ حالی 23 مارچ اچ 4 مہینے باقی ہن ،ایں حوالے نال 3 مہینے بعد ڳال کر??سان ۔اے لوک کمپنی دی مشہوری کیتے ٹائم ݙیندے پئن ۔ جے انہاں قانون دی رستہ اختیار کیتا تاں جلسے جلوس ساریں دا حق اے تاں جو اپوزیشن یوم پاکست??ن دی وجہ توں لانگ مارچ دی تاریخ دے انتخاب تے نظر ثانی کر?? ۔
انتہاپسندی دا رستہ روکݨ کیتے ساریں کوں رل تے کردار نبھاوݨا ہوسی ، سیالکوٹ واقعے توں ملک دی بدنامی تھئی، وفاقی وزیر داخلہ شیخ رشید احمد دی پریس کانفرنس
مضمون کا ماخذ : ہاٹ اسپن
متعلقہ مضامین
