لاہور۔19 جنوری(اے پی پی ) گور نر پنجاب چوہدری محمدسرور آکھیے جو مڈ ٹر م انتخابات اتے حکومت دا خاتمہ اپوزیشن دا خواب ہی رہسی،حکومت آئینی مدت پو ری کریسی،اپوزیشن دی ذاتی مفادات دی سیاست بے نقاب تھی چکی اے جیڑھی اپنڑی سیاست چمکاونڑ کیتے روز نواں شوشہ چھریندی اے بھل اوالٹ تھی ویندے کیوں جو اپوزیشن اچ اتحادناں دی کوئی وی شے کائنی،اے صرف اپنڑا اپنڑا ککر کچھ اچ پاتی ودن۔اے گالھ گورنر پنجاب چوہدری محمد سرورروز ون لائف فاﺅنڈیشن ہسپتال دی افتتاحی تقر یب نال خطاب اتے میڈیانال الیندے آکھی۔گور نر پنجاب آکھیے جو تحر یک انصاف دے اقتدار اچ آندے نال ہی اپوزیشن ایندے ونجنڑ دیاں گالھیں اتے دعوے کریندی آندی اے بھل انہاں دا کوئی وی داءنئیں لگیا اتے اے آپ بے نقاب تھی گین، ملک اچ مڈ ٹر م انتخابات یا ان ہاﺅس تبدیلی دا کوئی چانس کائنی،حکومت دے فلاحی اقدامات اتے سماجی منصوبیاں تے عوام دا اعتماد ودھدا پئے،تجارت و سرمایہ کاری آندی پئی اے، ملکی معیشت تکڑی تھئی اے جیندے ثمرات اگو تے پچاونڑ دا ویلھاآگئے،اے پہلی واری اے جو ادارے سیاسی مداخلت تون پاک تھین اتے سارے فیصلے میرٹ تے تھیندے پین،اداریاں دی مضبوطی اتے حکومت دی کامیابی اپوزیشن توں ہضم نئیں تھیندی پئی، چنگا ہوسی جو او ملکی ترقی اچ رکاوٹ پاونڑ دی بجائے ملک کوں اگو تے ودھنڑ ڈیون۔
مڈ ٹر م انتخابات اتے حکومت دا خاتمہ اپوزیشن دا خواب ہی رہسی،حکومت آئینی مدت پو ری کریسی،اپوزیشن دی ذاتی مفادات دی سیاست بے نقاب تھی چکی اے، گور نر پنجاب چوہدری محمدسرور
مضمون کا ماخذ : لاٹری ٹکٹ کی دستیابی
متعلقہ مضامین
