لاہور ۔ 7 مارچ (اے پی پی) وزیر اعظم دی معاون خصوصی برائے اطلاعات و نشریات فردوس عاشق اعوان آکھیے جو حکومت فلم اتے سینما کوں صنعت دا درجہ ڈیونڑ دا فیصلہ کیتے ،فلم سینسر دا اختیار فیڈرل سینسر بورڈکولو ہوسی،فلمی صنعت نال تہذیب،اقدار اتے ثقافت اگونہا کرنڑترجیح اے۔اے گالھ انہاں لہور اچ فلمی صنعت دے ہک وفد نال کٹھے پریس کانفرنس کریندے آکھی۔انہاں آکھیے جو عوام اپنڑے مسلیاں دے حل کیتے وزیر اعظم عمران کوں اپنڑا مسیحا چنڑ گھدے،نیب ہک آزاد ادارہ اے اتے حکومت سٹیک ہولڈرزدی صلاح نال فلمی صنعت دی بحالی کیتے ہر ممکن ہتھ ونڈیسی۔انہاںا ٓکھیا جو صوبائی حکومتاں دی مشاورت نال فیڈرل سینسر بورڈ تشکیل ڈتا ویسی،ملک دا مثبت تاثر ابھارنڑ کیتے سینما دی بحالی ضروری اے،فلمی صںعت دی بحالی نال فنکاراں کوں روز گارملسی اتے ملک اچ سرمایہ کاری آسی،ملکی اقدار و ثقافت ودھسن۔
مضمون کا ماخذ : ٹمپل ٹمبل
