اسلام آباد ۔ 18 ستمبر (اے پی پی) وزیر سائنس و ٹیکنالوجی چودھری فواد حسین آکھیے جوبھارت دا مکروہ چہرہ دنیا دے سامنڑے بے نقاب تھی گئے ،پاکستان مقبوضہ کشمیر اچ بھارتی جارحیت دے خلاف آواز چیندا رہ ویسی۔ ریڈیو پاکستان دے پروگرام کرنٹ افیئر اچ گال مہاڑ کریندے ہوئیں انہاں آکھیے جو اساکوں پاکستان دی خارجہ پالیسی دی تعریف کرنڑیں چاہیدی اے ۔ بھارتی وزیر اعظم نریندر مودی گاندھی دے بھارت کوں موثر طریقے نال ختم کیتے تے حالی بھارت فاشزم دے سوا کجھ کائنی۔ انہاں آکھیے جو مودی گجرات کوں ہک دہشت گرد ریاست اچ بدال ڈتا ہئی تے ہنڑ پورے بھارت کوں ہک انتہا پسند قوم اچ تبدیل کریندا پئے ۔ انہاں تنقید کریندے ہوئیں آکھیے جومودی دی قیادت اچ موجودہ بھارت تے بالادست ہندوتوا نظریے دا غلبہ اے۔ چودھری فواد حسین آکھیے جو بھارت اپنڑے پڑوسیاں دے نال بہترین وقت نئیں گزریندا پیا ، نیپال اتے بنگلہ دیش دے نال ایندے تعلقات کشیدہ ہن تے ہنڑ حالات دی کشیدگی مزید ودھائی ویندی پئی اے ۔ انہاں آکھیے جو بھارتیہ جنتا پارٹی( بی جے پی) دی زیرقیادت حکومت آپنڑی فاشسٹ پالیسیاں دی وجہ توں بین الاقوامی محاذ تے بھارت دی ساکھ کوں ضیان پجائے ۔انہاں آکھیے جو بھارت اچ اقلیتاں مودی دے نسل پرستانہ طرز عمل توں تنگ آگن تے او بدحالی اچ رہنڑ تے مجبور ہن ۔
بھارت دا مکروہ چہرہ دنیا دے سامنڑے بے نقاب تھی گئے ،پاکستان مقبوضہ کشمیر اچ بھارتی جارحیت دے خلاف آواز چیندا رہ ویسی، چودھری فواد حسین
مضمون کا ماخذ : لاٹری آن لائن خریداری
متعلقہ مضامین
